38歲鍾嘉欣產後復出低胸V領見「缽仔糕」 竟同一女星撞樣!
廣告
鍾嘉欣(Linda)去年10月誕下第三胎細女,佢用了將近5個月時間,終於成功修身。近日首度復出獻唱,不過就在其中一套深V的Bling Bling連身裙當中不慎令「缽仔糕」 現形。
鍾嘉欣 西裝Look有女強人Feel
鍾嘉欣2015年閃嫁脊醫Jeremy Leung後,先後誕下兩女一子,去年陀住第三胎細女時,她曾表示生完三胎後就正式封肚。近日她難得大晒工作照,原來她生下細女未夠半年已收身成功,復出在加拿大登台獻唱,在台上她更連換兩套歌衫,其中著上白色西裝時的她,加上中長度直髮,甚有女強人Feel,被網民指撞樣陳慧珊。
![鍾嘉欣 穿上全套白色西裝的鍾嘉欣,獲讚好有女強人Feel。](https://imgs.orientalsunday.hk/wp-content/uploads/2023/04/03_1937997292642b9e0d391c6-787x1024.jpg)
狀態大勇閃爆晒腿
狀態大勇的鍾嘉欣之後又換上了一襲Deep V閃爆連身短裙,大方晒美腿,但其中一張相就見到她的胸前疑似有「缽仔糕」意外走位現形,不過鍾嘉欣似乎未有為意,照樣開心舉V。她透露下一年就是她入行20周年,因此有意開辦個人演唱會,並已開始秘密練歌中,令一班粉絲都大表期待,話要為這個20周年演唱會「集氣」!
![鍾嘉欣 收身成功的鍾嘉欣,一對美腿Fit到漏。](https://imgs.orientalsunday.hk/wp-content/uploads/2023/04/05_975045270642b9e124677c-1024x1006.jpg)
諗住BB仔冧唱情歌
鍾嘉欣在台上一連獻唱了《夢伴》、《戀愛預告》、《一生中最愛》、《月亮代表我的心》、《Nothing’s Gonna Change My Love for You》等10首歌曲,唱到《Nothing’s Gonna Change My Love for You》時,鍾嘉欣笑言:「我唔會諗住情人唱,唔會諗住我老公,我會諗住我啲BB仔。」母愛滿瀉!
![鍾嘉欣 網民都大讚鍾嘉欣唱Live保持到以前的水準。](https://imgs.orientalsunday.hk/wp-content/uploads/2023/04/11_1571627059642ba3d449264-932x1024.jpg)
網民:完全唔似生咗三個
網民都紛紛留言大讚鍾嘉欣:「Keep得好靚啊!」、「完全唔似生咗三個!」、「又fit又靚」、「依然咁甜美」等等,亦有網民話唔只想聽鍾嘉欣唱歌,仲想睇佢拍劇,更有網民希望她接拍《 星空下的仁醫2》,再演章以芯!
![鍾嘉欣 台上嘅鍾嘉欣腰身纖幼,難怪網民話佢完全唔似生咗三個!](https://imgs.orientalsunday.hk/wp-content/uploads/2023/04/12_269714527642ba3d6a3e0e-883x1024.jpg)
囝囝盡得阿媽真傳
此外鍾嘉欣日前又在社交網分享了一段囝囝Jared打冰上曲棍球的影片,表示:「我為兒子你能夠克服自己的恐懼和相信自己,感到好驕傲。」又說:「我會永遠支持你。」Coffee林芊妤、楊潮凱等都有留言大讚Jared好cute、好靚仔,鄧佩儀更用心心眼表示囝囝繼承了鍾嘉欣的優良基因!
![鍾嘉欣 囝囝現年約4歲半,眼大大似足鍾嘉欣。](https://imgs.orientalsunday.hk/wp-content/uploads/2023/04/08_1626509293642b9e184562f-646x1024.jpg)