鍾嘉欣

鍾嘉欣被幕後及鄰居力斥人品差 加國被捕獲拒合照惹熱議

流行娛樂

廣告

鍾嘉欣身在加國大陀住第三胎,近日被網民在溫哥華時裝店捕獲,並把這經歷放上網,卻惹來不少網民留言力數鍾嘉欣人前人後兩個樣:「平時電視上nice是裝的!」事件繼續發酵,有自稱幕後以及街坊則衝出來爆大鑊,力證其為人堅衰格!

有網民在加拿大時裝店遇見鍾嘉欣,自拍時拍下鍾嘉欣。
有網民在加拿大時裝店遇見鍾嘉欣,自拍時拍下鍾嘉欣。(圖片來源:小紅書@CCCynthia)

鍾嘉欣加國被捕獲

鍾嘉欣最近被一名內地網民在「小紅書」分享在加拿大遇見她的經歷,遭不少網民留言斥她「拒絕合照」、「很情緒化,平時超時遇見也黑面」、「我妹找她拍照她黑面又背住,人品超差」、「買化妝品問長問短,事後又退貨」等。同時有不少網民撐鍾嘉欣,指藝人都有放工時間,做「雙面人」都無可口非。由內地小紅書,以至香港討論區都在談論!令「人前人後兩個樣」引申出下集,有自稱幕後及街坊爆料,大數其惡行。

鍾嘉欣早前分享其孕照。
鍾嘉欣早前分享其孕照。(圖片來源:IG@chungkayanlinda)
鍾嘉欣一家四口戴住黑超影全家福。
鍾嘉欣一家四口戴住黑超影全家福。(圖片來源:IG@chungkayanlinda)

鍾嘉欣見親街坊都黑面﹗?

鍾嘉欣結婚前,在港一直居於將軍澳某屋苑,之後返港拍劇《星空下的仁醫》仍居於上址,有不少街坊爆料指鍾嘉欣態度差,跟鏡頭前見到的「陰聲細氣、有禮貌、友善」完全相反,有網民留言力數「以前成日見到鍾小姐,因為無論你住邊座都要去平台轉𨋢先去到商場,每次見佢都係頭顎顎,望一望佢就即刻擰歪面,態度好唔友善,好無禮貌」,有另一網民和應「我住佢隔離,一齊喺平台返上樓,佢行喺我後面,猛咁喺後面摺摺聲怪我行得慢阻住佢」,有網民回應:「我都成日見到佢,望下佢就黑面歪埋嘴怒睥我」等。

婚後鍾嘉欣長居加拿大,婚後育有一子一女,現陀住第三胎係B女。
婚後鍾嘉欣長居加拿大,婚後育有一子一女,現陀住第三胎係B女。(圖片來源:IG@chungkayanlinda)

化妝師力斥為人好寸 茶水阿姐爆態度差

有自稱化妝師力證鍾嘉欣是人前人後兩個樣,「佢其實好寸,Nice只係睇對邊個,佢係真正嘅視后呀」,另一個化妝師指:「佢成日扮到乖乖女,唔係真實,當年見住佢姣林峯,到人哋追佢,又吊高嚟賣,根本想收兵,就知佢唔簡單唔係乖女」。又有自稱做茶水部爆料:「我接觸過不少阿姐阿哥、老前輩都唔會好似鍾嘉欣咁,佢對我哋呢啲低職位嘅人態度差,就出晒名,行內人都知,不過無諗過做咗人阿媽,都仲係咁樣」、「佢真係好假,一秒變面又超級無禮貌人品差」。

鍾嘉欣 早前開派對公布胎兒性別。
早前開派對公布胎兒性別。(圖片來源:IG@chungkayanlinda)

途人爆料證無禮貌

另外有網民指曾在街上遇見鍾嘉欣拍外景,該網民指因掛住照顧小朋友,沒有為意自己的位置阻住拍攝,「鍾嘉欣西面又怒睥我,可能以為我掛住睇拍劇阻住佢開工,佢真係好無禮貌,但陳展鵬就唔同,點晒頭仲做咗個sorry手勢」。

鍾嘉欣憑《星空下的仁醫》成為大熱視后,專登返港出席頒獎禮,最後卻輸畀林夏薇,鍾嘉欣只得「馬來西亞最喜愛TVB女主角」,事後鍾嘉欣講到明唔會再返港拍劇。有傳力邀她返港的王祖藍因此而跟樂易玲反面。
鍾嘉欣憑《星空下的仁醫》成為大熱視后,專登返港出席頒獎禮,最後卻輸畀林夏薇,鍾嘉欣只得「馬來西亞最喜愛TVB女主角」,事後鍾嘉欣講到明唔會再返港拍劇。有傳力邀她返港的王祖藍因此而跟樂易玲反面。(圖片來源:IG@chungkayanlinda)

連累岑麗香等被數臭

鍾嘉欣被街坊及行內人爆料,連累其他藝人都被拖落水,有網民同時力斥其他藝人惡行,其中一個是鍾嘉欣「處女黨」姊妹岑麗香,唔通真係物以類聚?

鍾嘉欣 岑麗香
岑麗香(圖片來源:IG@heungheungeliza)
鍾嘉欣
(圖片來源:FB@Yahoo截圖)
鍾嘉欣 林欣彤
林欣彤(圖片來源:IG@maglam_ )
鍾嘉欣
(圖片來源:FB@Yahoo截圖)
鍾嘉欣 胡諾言夫婦
胡諾言夫婦(圖片來源:IG@jackwu823)
鍾嘉欣
(圖片來源:FB@Yahoo截圖)
鍾嘉欣
(圖片來源:FB@Yahoo截圖)

關鍵詞
鍾嘉欣
圖片來源:IG@chungkayanlinda

YOU MAY ALSO LIKE ...