鍾卓穎Ash主持旅遊節 網民嗌熄機大數5大死因 網民不滿樊沛珈Ah Gi變配襯

流行娛樂

廣告

鍾卓穎Ash及樊沛珈Ah Gi主持ViuTV旅遊節目《撞名撞城遊一番》,雖然介紹港人「鄉下」日本,但播出以來反應好一般,每次ViuTV貼出預告或花絮更瘋狂吸嬲,網民直指因為Ash要熄機,大數5大死因,出動埋女神Ah Gi「救亡」不果,看來Ash的觀眾緣真係…!

鍾卓穎、樊沛珈遊日本

鍾卓穎Ash及樊沛珈主持15集《撞名撞城遊一番》,反應未如理想,每集播出後都有網民去ViuTV的FB專頁柴台,直指「有Ash就熄機」,更怒指ViuTV為了幫Ash洗白,不惜犧牲另一主持Ah Gi,直斥「利用Ah Gi人氣去幫負評王,可恥,仲硬攝個位比Ash喺個旅遊節目度唱歌」,令該旅遊節目的po都被派嬲!

鍾卓穎 鍾卓穎Ash及樊沛珈Ah Gi主持ViuTV旅遊節目《撞名撞城遊一番》
鍾卓穎Ash及樊沛珈Ah Gi主持ViuTV旅遊節目《撞名撞城遊一番》(圖片來源:大會提供)

1.重提瞞婚離婚

網民直指《撞名撞城遊一番》之成敗全因Ash,今次全因她陀衰家,連累節目反應差,更大數5大死因。首先,網民再勾起鍾卓穎Ash參加《全民造星4》時瞞婚再離婚,疑未搞清手續便與MC張天賦因拍MV而傳緋聞,令Ash「正印」老公在MC開直播時踩場。

2.借BB打卡扮有愛心

二大指控,重提本來任職護士的Ash,不惜醫院育嬰室影相,借啲BB打卡,大顯愛心,「講到自己咁有愛心,但發明星夢就,話唔做就唔做,同對婚姻一樣,唔專一」。

鍾卓穎 鍾卓穎Ash曝光率不少!
鍾卓穎Ash曝光率不少!(圖片來源:IG@iamashleyyy___)

3.個樣唔討好,同李力持撞樣

有網幫Ash開腔指離婚不是大事,不過有網民指「就算唔計離婚單嘢,個樣都唔討好,《造星》大把女啦」、「佢真係好似工人姐姐,腳又粗,佢究竟可以賣咩?ViuTV夾硬捧佢,咩準則呀?」、「唔計佢以前啲嘢,佢對眼長期無焦點、「成個李力持咁,撞晒樣喎,點睇落去喎」。

鍾卓穎 Ash被指同李子持撞樣!
Ash被指同李子持撞樣!(圖片來源:ViuTV截圖)

4.ViuTV硬捧

網民最反應是ViuTV安排女神Ah Gi同Ash拍檔,「試圖搵Ah Gi人氣去救Ash」、「ViuTV不停試水溫,由朝早到下午節目,依家夜晚都見到佢,係咁捧佢,成日比機會佢唱歌」、「ViuTV依家TVB化得好緊要,愈係反愈係捧,係咪當佢係楊明咁做呀?」、「明明好想睇Ah Gi但見到Ash真係無辦法唔熄電視」。

鍾卓穎 鍾卓穎Ash在節目中被安排唱陳卓賢的《地球上的最後一朵花》,佢話對唱歌失去信心,「覺得無人再想聽我唱歌,己龍經年幾無唱過歌,自己都諗過喺旅遊節目可以唱歌!」
鍾卓穎Ash在節目中被安排唱陳卓賢的《地球上的最後一朵花》,佢話對唱歌失去信心,「覺得無人再想聽我唱歌,己龍經年幾無唱過歌,自己都諗過喺旅遊節目可以唱歌!」(圖片來源:ViuTV截圖)
鍾卓穎 安排Ash公開唱歌,好有保錡洗白feel!
安排Ash公開唱歌,好有保錡洗白feel!(圖片來源:ViuTV截圖)
鍾卓穎 Ah Gi扮粉絲送花!
Ah Gi扮粉絲送花!(圖片來源:ViuTV截圖)

5.節目根本唔拈

亦有不少網民指除了Ash主持是熄機主因,其實節目太悶,「成日靠Ah Gi一個主持大局」、「個節目好無聊節奏又慢」、「節目內容都唔吸引,無拿拿安排鍾卓穎唱歌,搞到Ah Gi個集變配襯,仲要扮係佢粉絲,真係慘」。

鍾卓穎
(圖片來源:IG@iamashleyyy___)
鍾卓穎
(圖片來源:IG@iamashleyyy___)
鍾卓穎 鍾卓穎早前在《粉絲關注組》的紀念張國榮節目上,自認是哥哥忠粉,更獻唱《玻璃之城》。
鍾卓穎早前在《粉絲關注組》的紀念張國榮節目上,自認是哥哥忠粉,更獻唱《玻璃之城》。(圖片來源:ViuTV截圖)
鍾卓穎 Ash話唱《玻璃之城》好大壓力,「我唔係好識喺首歌度投放感情,因為火首歌技巧好少」語出驚人,曾比特都被佢呢番話嚇親!
Ash話唱《玻璃之城》好大壓力,「我唔係好識喺首歌度投放感情,因為火首歌技巧好少」語出驚人,曾比特都被佢呢番話嚇親!(圖片來源:ViuTV截圖)

圖片來源:IG@iamashleyyy___、ViuTV截圖