日本網民票選「華人男神排行榜」冠軍係佢？炎亞綸竟領先金城武

Mar 3 2023

華人男神排行榜丨時常推出各式各樣排名投票嘅日本知名投票網站「大家的排名」，日前就以《華人男神排行榜》為題進行票選，估唔到經過1600位日本網民精心挑選之下，獲得最高票數竟然係呢位，成為佢哋心目中嘅華人男神，而一向被外界喻為男神嘅金城武都只係排第八！

金城武日本知名投票網站「大家的排名」日前就以《華人男神排行榜》為題進行票選！ — 日本知名投票網站「大家的排名」日前就以《華人男神排行榜》為題進行票選！（圖片來源：截圖@みんなのランキング）

華人男神排行榜丨網民激讚金城武眼神夠「煞食」

曾出演唔少經典日劇好似《神啊，請多給我一點時間》、《黃金保齡球》嘅金城武，係今次票選就得第八名，雖然近五年都無新作，貫徹始終保持低調風格，但依舊獲日本網民激讚眼神夠「煞食」，充滿電力，仲形容五官係會令人一見鍾情！不過有位台灣代表仲勁過金城武，講嘅就係經常語出驚人嘅炎亞綸。

華人男神排行榜華人男神金城武雖然無新作，但眼神依舊夠「煞食」，有網民話見完都會一見鍾情。 — 金城武雖然無新作，但眼神依舊夠「煞食」，有網民話見完都會一見鍾情。（圖片來源：新傳媒照片庫）

華人男神排行榜華人男神金城武原來金城武已經有6年無新作品。 — 原來金城武已經有6年無新作品。（圖片來源：截圖@みんなのランキング）

華人男神排行榜丨炎亞綸靠笑容冧網友！

今年出道19年嘅炎亞綸，眾所週知佢係男團飛輪海成員出身，當年組合當紅程度可以話係90後嘅童年回憶。不過組合解散後，炎亞綸未有同其他成員一樣到大陸發展，反而留守係台灣拍劇同主持節目。直到前年佢終於係電視金鐘獎獲得綜藝節目主持人獎，不過最令人驚喜嘅係佢經常不平則鳴，遇到社會議題都不避嫌評論，語出驚人。今次在榜中奪得第六名，有日本網友大讚佢係台日合拍嘅劇集《路～台灣Express～》表現夠sharp，加上笑上黎好療癒，形容佢好似畫作走出嚟嘅人一樣。