金像獎2022｜一文回顧8大精華埸面網民：香港電影仲有希望！

Jul 18 2022

《第40屆香港電影金像獎》延期2年後，昨晚星期日（17日）晚上7：30舉行！除咗得獎結果令人驚喜外，昨晚仲有8大亮點，首先一定係馮德倫窒曾國祥，仲有子華神爆金句，林家棟成為民選影帝等。

1.馮德倫窒曾國祥：今晚ViuTV轉播，唔應該提你爸爸！

曾國祥與馮德倫現身頒發「新晉導演」獎項時，曾問馮德倫為什麼做了導演都可以Keep得咁好，及後馮德倫笑言：「或者因為你阿爸嘅基因犀利得滯呢？但今晚係ViuTV轉播，唔應該講你阿爸！」曾國祥急智回覆：「唔緊要！ViuTV係咩都講得㗎！」馮德倫續答：「係咩？ViuTV咩都講得㗎咩？」

金像獎2022 8大精華第40屆香港電影金像獎金像獎2022 — 馮德倫窒曾國祥，笑言：「或者因為你阿爸嘅基因犀利得滯呢？但今晚係ViuTV轉播，唔應該講你阿爸！」（圖片來源：ViuTV截圖）

金像獎2022 8大精華金像獎2022 紅地氈 — （圖片來源：VIUTV截圖）

2.黃子華指自己拎「終身成就獎」許冠文齊爆金句

黃子華擔任表演嘉賓，頒獎「終身成就獎」予許冠文，他笑言：「多謝大家出席，睇我攞終身成就獎！能夠頒獎俾許冠文就係我嘅終身成就獎！」子華神仲爆金句：「睇次許冠文，慳返去旅行！」仲有「半斤係有十八兩」！許冠文強調大家要「笑住喊」「未來日子我哋會面對好多困難時光，唔駛怕，就算我哋喊，都係會笑住喊」

金像獎2022 8大精華金像獎2022 第40屆香港電影金像獎黃子華現身頒發生「終身成就獎」予許冠文。 — 黃子華現身頒發生「終身成就獎」予許冠文。（圖片來源：ViuTV截圖）

金像獎2022 8大精華金像獎2022 第40屆香港電影金像獎許冠文成日話自己「有咩成就」，但聽完黃子華介紹之後，覺得自己真係有成就，因為佢死都講返生。 — 許冠文成日話自己「有咩成就」，但聽完黃子華介紹之後，覺得自己真係有成就，因為佢死都講返生。（圖片來源：ViuTV截圖）

3.吳君如失影后台下冇晒表情

內地女演員33歲劉雅瑟以黑馬姿態，憑《智齒》奪「最佳女主角」，佢用廣東話講：「我啱啱心跳好快！」多謝林家棟同埋電影團隊。吳君如喺台下冇晒表情。

金像獎2022 8大精華第40屆香港電影金像獎金像獎2022 劉雅瑟奪影后。 — 內地女演員33歲劉雅瑟以黑馬姿態，憑《智齒》奪「最佳女主角」奪影后。（圖片來源：ViuTV截圖）

金像獎2022 8大精華第40屆香港電影金像獎金像獎2022 吳君如喺台下冇晒表情。 — 吳君如瓜落影后殊榮喺台下冇晒表情。（圖片來源：ViuTV截圖）

4.85歲謝賢眾望所歸奪影帝

85歲謝賢憑電影《殺出個黃昏》奪影帝，他由林家棟陪同下走到頒獎台，全場掌聲如雷，林家棟說：「你係咁多年嚟攞影帝，唯一一個全場企起身拍手！」謝賢在台上表情激動說：「多謝大家！」而林家棟跟大家說醫生叮囑謝賢不要脫下口罩。問到謝賢是否有更多感言跟大家說，謝賢笑言：「我唔識講，我淨係識攞呢個嘢咋！」

5.林家棟行為勁sweet 獲民選影帝

林家棟早前拍戲時為保護小朋友而不小心倒地送院而備受好評，加上爆出林家棟0片酬支持新導演，陳健朗拍《手捲煙》、2項提名最佳男主角的林家棟扶謝賢奪影帝、小心翼翼幫謝賢戴口罩等行為，網民都表示超欣賞林家棟，認為嗰份大器，以及對前、後輩都超好，即被選獲為「民選影帝」。

6.周秀娜透視裝搶晒Fo

周秀娜憑《馬達‧蓮娜》獲提名「最佳女主角」，雖然今年勁敵來勢洶洶，不過周秀娜輸人唔輸陣，霸氣側露，起碼叫做喺紅地氈先贏一仗。

金像獎2022 8大精華金像獎2022 第40屆香港電影金像獎周秀娜憑《馬達‧蓮娜》獲提名「最佳女主角」，輸人唔輸陣，霸氣側露，喺紅地氈先贏一仗。 — 周秀娜憑《馬達‧蓮娜》獲提名「最佳女主角」，輸人唔輸陣，霸氣側露，喺紅地氈先贏一仗。（圖片來源：ViuTV截圖）

金像獎2022 8大精華金像獎2022 第40屆香港電影金像獎 — （圖片來源：ViuTV截圖）

7.陳木勝憑遺作《怒火》奪最佳導演

香港著名導演陳木勝於2020不敵癌魔撒手人寰，其遺作《怒火》令他在今屆金像獎奪得最佳導演。陳木勝遺因事未能出席頒獎禮，致謝辭由劉德華代為讀出，全文如下：

好感謝香港電影金像獎協會，頒「最佳導演」呢個榮譽畀我先生，感謝英皇電影老闆楊受成先生，相信呢一個獎圓滿咗佢嘅一生，佢一定會報以微笑，同埋感到十分欣慰。多謝《怒火》入面每一位工作人員，特別要鳴謝岑建勳先生、潘耀明先生。感謝我嘅家庭成員，我嘅朋友，電影從業員的前輩，我代表我先生同你哋講聲多謝，一切盡在不言中。