金像獎2024丨《給19歲的我》獲最佳電影再掀風波 網民揚言罷睇港產片

第41屆香港電影金像獎昨晚完美落幕，不過當中最為掀起網民激烈討論嘅獎項必定係《最佳電影》由張婉婷執導嘅紀錄片《給19歲的我》奪得，有不少網民立即湧入金像獎官方Fb 專頁得獎post留言，更有超過2500個嬲嬲emoji，一齊睇下佢地怒轟3大點！

金像獎2023丨第一點：得獎人士嘅致謝辭

導演張婉婷雖然未有現身，但亦透過另一導演郭偉倫講出致謝辭，當中提到自己因爲一場風波將佢一頭掉進一個漆黑的森林，並多謝業界嘅肯定，令佢係黑暗中漸漸看見曙光。而監製黃慧則寫下：「婉婷同學呢段時間，接受無可理喻嘅折磨。」其後郭偉倫都就向其他係香港拍紀錄片的導演打氣，「唔好驚，因為時代需要有紀錄片，用鏡頭記錄我們發生的事，記住唔好熄機，唔好驚，拍咗先算、剪咗先算、上咗先算。」

就係呢幾句引起廣大網民激烈討論，並形容為「難聽過粗口，不知所謂」，「所以原來行內人覺得冇問題」等留言，認為佢地人無恥則無敵。

金像獎2023丨第二點：劇組無道德標準

《給19歲的我》原本2月初於公映，但期間片中兩位主角先後接受訪問直指拍攝團隊在製作期間完全不重視受訪者權益，由當初的校園紀錄片變成公開放映，表示完全不能認同。加上片中有採訪到李慧詩，她不忿被出鏡繼而係IG出po狠批電影，而最後導演張婉婷指當時拍攝李慧詩時原來係用偷拍形式去拍攝，引起公憤。

網民表示電影可以用偷拍方式去拍攝，完全係無視道德同其他人嘅私隱。加上早前主角之一阿冰暗示劇組玩玩「囚犯困境」令她最終簽下同意書！網民當時都認為佢地用不道德手法誘騙演員或工作人員，完全無道德標準。

第三點：網民揚言罷睇港產片

入圍今次《最佳電影》獎項除咗獲獎嘅《給19歲的我》，其他提名電影《正義迴廊 》、《明日戰記》 、《神探大戰》以及《窄路微塵》。網民得知《給19歲》獲獎後，認為根本制度唔公平，並揚言罷睇港產片。