鄭裕玲

鄭裕玲效力無綫四十年傳拒續約、網民開定ViuTV等睇Do姐

流行娛樂

廣告

Do姐鄭裕玲是無綫台柱,今日傳出正式結束與無綫四十年賓主關係,拒續約堅決離巢。由於近年Do姐喜與年輕一輩藝人合作,更無理電視台「潛規則」不許與友台合作,Do姐主持電台節目經常邀請ViuTV藝人訪問,故不少網民猜測Do姐不想再有合約枷鎖,紛紛留言:「ViuTV見啦,Do姐!期待你同姜濤合作!」

鄭裕玲 Do姐鄭裕玲縱橫影視圈多年,效力無綫四十年,比起myTVbuddy更有象徵性。
Do姐鄭裕玲縱橫影視圈多年,效力無綫四十年,比起myTVbuddy更有象徵性。(圖片來源:IG@do_do_cheng)

鄭裕玲離巢無綫 網民期待公布同姜濤合作

Do姐鄭裕玲離巢無綫,在網上引起很大迴響。鄭裕玲同時在商台主持《口水多過浪花》,與年輕人接軌,無跟從大台獨大作風,不時邀請ViuTV藝人及歌手上電台節目,並一早看好姜濤,多次邀他做訪問,MIRROR、ERROR、COLLAR等都上過佢節目。

鄭裕玲 Do姐鄭裕玲在MIRROR當中最錫姜濤,影相都翹住。
Do姐鄭裕玲在MIRROR當中最錫姜濤,影相都翹住。(圖片來源:IG@do_do_cheng)

鄭裕玲IG僅Follow二人 姜濤佔一位

Do姐被踢爆獨愛姜濤,IG只追蹤兩個人,其中一個就是姜濤。故不少網民對Do姐離巢無綫,都大感歡喜送上祝福,更猜測Do姐會過檔ViuTV,「Do姐,ViuTV見啦!」、「嘟姐好鍾意MIRROR,尤其姜濤,睇住老友毛姐都同佢哋合作咁多次,真係好難唔心郁!」、「唔再係無記記,自由身,佢想幾時上ViuTV都得啦,嗰邊佢都好多老友,鍾慧冰都幫ViuTV拍劇又主持」、「舉腳贊成Do姐過檔ViuTV。」、「開定ViuTV台等睇Do姐」

鄭裕玲 一齊拍過廣告!
一齊拍過廣告!(圖片來源:IG@do_do_cheng)
鄭裕玲 姜濤出道初,Do姐學姜濤出道作《蒙着嘴說愛你》的手指舞。
姜濤出道初,Do姐學姜濤出道作《蒙着嘴說愛你》的手指舞。(圖片來源:IG@do_do_cheng)

網民:153仲喺度獻世,點解Do姐要走?

亦有指Do姐不再續約,有傳她再度移居加國,享受退休生活,真正退下來,網民對此反應奇大,指同期一班長老都未退,幾時要到Do姐退下來,「153同汪阿姐都仲係度獻世,Do姐點解要走?」、「Do姐咁鍾意新事物,係TVB做都做到悶!」、「佢同汪阿姐點比,一個老土一個新潮,Do姐好與時並進,IG好早已經玩」、「Do姐退休咪真係Do Did Done」。亦有網民好唔捨得Do姐是其主持的《口水多過浪花》不能沒有佢,「Do去邊都得,唔好唔做電台」、「口水多過浪花無咗佢都唔㗎」、「我每日三點會唔會冇得聽收音機?世界未日呀﹗」

鄭裕玲 Do姐日前還在訪問無綫劇《美麗傳說》女主角陳瀅及導演葉念琛。
Do姐日前還在訪問無綫劇《美麗傳說》女主角陳瀅及導演葉念琛。(圖片來源:IG@do_do_cheng)
鄭裕玲 無綫乜嘢大騷都要靠鄭裕玲助陣,先夠壓場!
無綫乜嘢大騷都要靠鄭裕玲助陣,先夠壓場!(圖片來源:IG@do_do_cheng)
鄭裕玲 東京奧運都由Do姐領隊主持!
東京奧運都由Do姐領隊主持!(圖片來源:IG@do_do_cheng)

玩勻影視 紅透半邊天

鄭效力無綫四十年,入行已是當家花旦,1978年因佳藝電視倒閉,與當紅一線小生周潤發、任達華等合作,出名演技好!代表作包括《網中人》、《流氓大亨》、《男親女愛》等等。1987年鄭裕玲離開無綫轉拍電影,受歡迎程度,有鄭九組之稱,電影拍到不停手,並獲影后殊榮,其後急流勇退一度移民加拿大!1992年,鄭裕玲回流回巢無綫,與黃子華拍攝《男親女愛》再創事業,其後鄭裕玲以主持及司儀工作為主,幾乎所有大騷都要Do姐坐陣,近年拍了不少綜藝節目,如《Do姐去Shopping》、《Do姐有問題》等收視之作,同佢合作過的農夫等,都因而人氣急升!

鄭裕玲 鄭裕玲和周潤發是當年的最當旺的花旦小生。
鄭裕玲和周潤發是當年的最當旺的花旦小生。(圖片來源:新傳媒集團資料庫)

常見問題

鄭裕玲當初如何入行?

鄭效力無綫四十年,入行已是當家花旦,1978年因佳藝電視倒閉,與當紅…詳情請看

網民對於鄭裕玲離開無綫有什麼看法?

不少網民對Do姐離巢無綫,都大感歡喜送上祝福,更猜測Do姐會過檔…詳情請看

圖片來源:IG@do_do_cheng

YOU MAY ALSO LIKE ...