鄭伊健開拍台灣新戲《百萬人推理》細節全曝光！
廣告
早前傳鄭伊健低調到台灣開工接拍新劇，近日終於開鏡拜神透露詳情！原來鄭伊健係拍攝一套叫《百萬人推理》的推理台劇，幕前幕後班底強勁，更指鄭伊健一睇劇本就即刻答應赴台！到底咩一回事？
鄭伊健挑戰新鮮角色拍燒腦推理劇
今次原來係鄭伊健首次長時間留於台灣拍劇，據台灣報導鄭伊健於《百萬人推理》劇中形象非常新觧，別具挑戰性！劇集係懸疑推理劇，查閱「網紅殺人事件」，非常燒腦，考驗觀眾推理邏輯，仲指出鄭伊健一收到劇本就即刻答應出演，原來伊健都係推理劇迷，唔怪之得吸引到鄭伊健「棄game」赴台！
由《華燈初上》製作 演員陣容強大
除此之外，《百萬人推理》班底強勁，由大熱Netflix劇集《華燈初上》製作團隊製作，亦搵來台灣人氣男神歌手婁峻碩、金馬獎影后李霈瑜（大霈）、《華燈初上》「亨利」王柏傑、「彪哥」李李仁、榮獲金馬獎最佳新演員陳姸霏共同演出，陣容強大亮眼！
重溫鄭伊健拒北上做大灣哥哥
「古惑仔」班底陳小春、謝天華、林曉峰主持《大灣仔的夜》於內地知名度大增，組成「大灣區哥哥」，但就唔見主角鄭伊健，內地網民不斷期望鄭伊健加入，原來鄭伊健以疫情、家庭為由拒北上拍《大灣仔的夜》，選擇在港享受家庭生活，最重要是鄭伊健有雄厚經濟支持，在港及日本都有投資物業，所以就可以揀job接！
圖片來源：FB＠鄭伊健, ig＠ekin_cheng_official, IG@hikari_lightthenigh, IG@leeleezen, ig＠shoumethemoneyxx
