鄭中基

鄭中基相隔11年親自拍片向椋名凜道歉 轉投ViuTV拍劇做慈父!|頭號粉絲

流行娛樂

廣告

鄭中基早在去年初時舉行演唱會期間,在台上不但大聲宣布會再開拍電影《龍咁威3》外,仲曾邀到好友方力申梁漢文一同上台合唱,當時更表示有意去電視台做節目,不禁令人聯想到熱門節目《美女廚房》,正當大家以為廚房再開時,原來鄭中基已轉投ViuTV,拍攝劇集飾演做慈父,浪子回頭多年的他,既有老婆,又分別有八歲大女Emma及五歲細仔Evan,相信「慈父」一角絕不會難到他;另外,鄭中基還在個人Youtube頻道中,大爆當年《美女廚房》完廠後鮮為人知的事。

 

撰文:東方新地、八卦妹(原文刊於:東方新地)|圖片來源:東方新地、機動電視台RTV截圖椋名凜IG|影片來源:機動電視台RTV

鄭中基唔幫無綫 睇中ViuTV

近日無綫劇集收視創新高,ViuTV自家製作一樣搶fo,可謂各自各精彩,ViuTV繼劇集《二月廿九》、《教束》網民勁Like之後,將再有實力藝人幫拖,去年梁漢文拍完劇集《假設性無罪》後,好兄弟鄭中基原來亦會幫Viu拍劇。其實早在上年初在港舉行演唱會,Ronald 已在台上放聲氣表示有意再拍電視節目,當時大家都估計他會再幫無綫拍《美女廚房》,不過他卻漏口風透露電視台唔止得無綫,仲有ViuTV,果然唔係齋Talk;咁又係,兩個好拍檔方力申及梁漢文都先後幫ViuTV做主持,梁漢文去年更拍埋劇集,鄭中基睇中Viu亦無可厚非。

鄭中基 鄭中基、方力申及梁漢文06年合作主持《美女廚房》爆紅,節目曾創下 42點高收視成績,三人抵死搞笑演出是唔少人的集體回憶!
鄭中基、方力申及梁漢文06年合作主持《美女廚房》爆紅,節目曾創下 42點高收視成績,三人抵死搞笑演出是唔少人的集體回憶!
鄭中基 方力申早於16年已為ViuTV做《美選DnA》主持兼評判。
方力申早於16年已為ViuTV做《美選DnA》主持兼評判。
鄭中基 除了小方,梁漢文都成ViuTV常客,除主持遊戲節目《全民星戰》,去年又與王敏奕拍劇集《假設性無罪》,Edmond更一改斯文形象,演性侵女職員高層。
除了小方,梁漢文都成ViuTV常客,除主持遊戲節目《全民星戰》,去年又與王敏奕拍劇集《假設性無罪》,Edmond更一改斯文形象,演性侵女職員高層。

 

鄭中基 鄭中基傾唔掂數,最後拍唔成《辣火頭》,換來陶大宇及郭政鴻擔任主持。
鄭中基傾唔掂數,最後拍唔成《辣火頭》,換來陶大宇及郭政鴻擔任主持。

 

鄭中基 對上一次拍無綫劇,已經是02年演出20集TVB劇《我要fit一fit》
對上一次拍無綫劇,已經是02年演出20集TVB劇《我要fit一fit》

 

鄭中基 去年客串ViuTV劇《仇老爺爺》,演小時候的仇學秋父親,似乎Ronald真係同𡃁仔拍上癮!
去年客串ViuTV劇《仇老爺爺》,演小時候的仇學秋父親,似乎Ronald真係同𡃁仔拍上癮!

唔肯再做《美女廚房》劇癮起做慈父

據知情者透露:「其實上年年中ViuTV籌備開拍效法無綫《美女廚房》嘅遊戲烹飪節目,已經傾Ronald做主持,但Ronald就講明再做一定要搵埋小方、Edmond(梁漢文)一齊合作先拍,當年《美女廚房》大受歡迎,呢個鐵三角合體好貴,而且Viu嗰邊亦唔想完全copy無綫節目舊瓶新酒,最終傾唔成,不過Ronald放聲氣願意拍劇,對Viu嚟講絕對係好消息,睇番Ronald擔正拍劇,已經係02年嘅《我要fit一fit》,近年佢喺電影發展順利,再拍劇幾乎冇乜可能,不過Viu就畀好大自由度佢,角色亦為佢度身訂造,上年游學修監製ViuTV劇集《仇老爺爺》,已經搵過Ronald客串一集,今次Viu斟Ronald合作,角色好討好,係個任勞任怨嘅慈父角色,佢睇完劇本超級鍾意!」早已是廿四孝慈父的鄭中基,當然好願意將自己真實一面同觀眾分享,難怪ViuTV能夠成功打動他再拍劇!

鄭中基 婚後唔再夜蒲的鄭中基,收工會第一時間趕返屋企陪老婆仔女,今年八歲的大女Emma更非常黐爸爸,相信拍劇做湊仔公絕對難不到他!
婚後唔再夜蒲的鄭中基,收工會第一時間趕返屋企陪老婆仔女,今年八歲的大女Emma更非常黐爸爸,相信拍劇做湊仔公絕對難不到他!
鄭中基 11年同主播余思敏結婚後,鄭中基由浪子變住家暖男,對住一對寶貝仔女時刻冧滋滋,難怪會被ViuTV睇中他好爸爸形象,找他演出多功能慈父角色。
11年同主播余思敏結婚後,鄭中基由浪子變住家暖男,對住一對寶貝仔女時刻冧滋滋,難怪會被ViuTV睇中他好爸爸形象,找他演出多功能慈父角色。
鄭中基 同楊千嬅一樣十幾年後回歸拍劇,不過千嬅幫無綫演《多功能老婆》,Ronald則轉投ViuTV,相同嘅係大家同樣要與小演員做對手戲。
同楊千嬅一樣十幾年後回歸拍劇,不過千嬅幫無綫演《多功能老婆》,Ronald則轉投ViuTV,相同嘅係大家同樣要與小演員做對手戲。

 

鄭中基 近日新冠肺炎肆虐,放假中的鄭中基忙於捐贈口罩及搓手液給慈善機構幫助弱勢社群!
近日新冠肺炎肆虐,放假中的鄭中基忙於捐贈口罩及搓手液給慈善機構幫助弱勢社群!

親自拍片 在個人Youtube Channel內向椋名凜道歉

提到昔日無綫熱門節目《美女廚房》,當然不得不提日本模特兒椋名凜與炮製的臭豆辣椒蝦及喇沙米粉,當年椋名凜憑著「出色」的廚藝,單靠臭豆就成功令自己躋身「地獄廚神」的行列,一眾主持人都要戴著口罩去試食,可想而知究竟有臭。

鄭中基 日本模特兒椋名凜與炮製的臭豆辣椒蝦及喇沙米粉
日本模特兒椋名凜與炮製的臭豆辣椒蝦及喇沙米粉
鄭中基 主持人在聞到臭味後紛紛躲避
主持人在聞到臭味後紛紛躲避
鄭中基 鄭中基首創戴口罩試食
鄭中基首創戴口罩試食
鄭中基 就連當時的嘉賓林敏聰也是戴口罩試食
就連當時的嘉賓林敏聰也是戴口罩試食
鄭中基 黃宗澤吐了出來
黃宗澤吐了出來
鄭中基 梁漢文也忍不住吐了出來
梁漢文也忍不住吐了出來

事隔11年,鄭中基在個人的Youtube頻道《機動電視台RTV》中重提椋名凜一事,並大爆開拍節目前,就已先向眾參賽者表明立場:「因為我唔食冬菇同蝦醬,次次都會同參賽者講明,點知佢日本人,聽唔明我講嘢。佢落咗成嚿蝦膏,成碟嘢就好似沼澤撈出嚟嘅不明物體,灰灰綠綠,灰綠色,好臭,但一定要試食,我唯有隔住口罩食,雖然食唔到,但好臭。」

鄭中基 鄭中基坦言椋名凜當年所炮製的食物似在沼澤撈出嚟嘅不明物體
鄭中基坦言椋名凜當年所炮製的食物似在沼澤撈出嚟嘅不明物體

 

鄭中基 鄭中基自覺在拍攝期間的評語太苛刻,,欲向椋名凜道歉
鄭中基自覺在拍攝期間的評語太苛刻,,欲向椋名凜道歉

但原來完成錄影後,鄭中基自覺在拍攝期間的評語太苛刻,覺得不好意思,欲意向椋名凜道歉,只可惜對方已離開錄影廠:「當時,完廠後就已覺得好似好衰,批評太過苟刻,諗住同椋名凜道歉,點知佢已經走咗,喊住咁走,原來嗰日係佢生日,所以好對唔住!隔咗咁多年先同你講,對唔住!」

鄭中基 鄭中基諗住同椋名凜道歉,點知佢已經走咗,喊住咁走,原來嗰日係佢生日
鄭中基諗住同椋名凜道歉,點知佢已經走咗,喊住咁走,原來嗰日係佢生日

 

鄭中基 鄭中基事隔11年向椋名凜道歉
鄭中基事隔11年向椋名凜道歉

雖然如此,昔日的「超級地獄廚神」椋名凜,自2010年與職業車手高村直樹結婚後,至今已有5位小朋友,專心相夫教子,為令孩子有均衡飲食,她一直努力鑽研廚藝,現已變成真正的「美女廚神」,還不時親自下廚炮製心愛美食給家人,十分賢良淑德。

鄭中基 昔日的「超級地獄廚神」椋名凜現已專心相夫教子
昔日的「超級地獄廚神」椋名凜現已專心相夫教子

 

鄭中基 椋名凜自2010年與職業車手高村直樹結婚後,至今已有5位小朋友
椋名凜自2010年與職業車手高村直樹結婚後,至今已有5位小朋友

 

鄭中基 椋名凜為孩子有均衡飲食,她一直努力鑽研廚藝,現已變成真正的「美女廚神」,還不時親自下廚炮製心愛美食給家人
椋名凜為孩子有均衡飲食,她一直努力鑽研廚藝,現已變成真正的「美女廚神」,還不時親自下廚炮製心愛美食給家人

 

鄭中基 椋名凜十分賢良淑德
椋名凜十分賢良淑德

YOU MAY ALSO LIKE ...