鄧兆尊自爆一年俾150萬家用:每一房一年50、60萬!《今晚有牌打》鄧兆尊被七仙羽追問

流行娛樂

廣告

鄧兆尊近來同達哥林慧韡主持亞洲心動娛樂(AMM)的網台麻將節目《今晚有牌打》,早前直播更有古明華和法科師傅七仙羽做嘉賓,而林文龍也有現身支持。期間七師傅更直言鄧兆尊十分吸引自己,睇吓佢點講!

撰文:Lmc |圖片來源:AMM 亞洲心動娛樂 Hong Kong@Facebook、《今晚有牌打》|編輯:海月

鄧兆尊一年俾150萬家用!《今晚有牌打》七仙羽:鄧兆尊十分吸引

七師傅一向言出驚人,她一開始便指鄧兆尊十分吸引自己,因為一直都好想知究竟他有幾多錢。之後七師傅又問鄧兆尊畀幾多錢幾個老婆,鄧兆尊就被七師傅的直接嚇到,表示:「咁辣㗎!我唔係逐月畀㗎師傅!我逐年畀㗎喎,我哋長期合約嚟。一年50、60萬到啦,每一房。」

鄧兆尊近來同達哥林慧韡主持亞洲心動娛樂(AMM)的網台麻將節目《今晚有牌打》
鄧兆尊近來同達哥林慧韡主持亞洲心動娛樂(AMM)的網台麻將節目《今晚有牌打》
林文龍也有現身支持
林文龍也有現身支持

七師傅繼續迫供追問鄧兆尊,那幾個老婆要做什麼,鄧兆尊表示:「也沒什麼特別要做,來我家就OK,基本煮飯咁。如果電話壞了就買給她,食嘢也是任食,因為都唔係食到好多㗎啫。」

七師傅一開始便指鄧兆尊十分吸引自己
七師傅一開始便指鄧兆尊十分吸引自己

七師傅立即計出一年畀家用大約150萬,也是好少錢,又繼續問鄧兆尊其他錢去了哪裡。鄧兆尊馬上否認:「我唔係好多錢啫師傅。」最搞笑是七師傅問鄧兆尊是不是港元,鄧兆尊反問:「唔通Yen咩?」在旁的達哥也笑說可能是美金。

鄧兆尊反問:「唔通Yen咩?」
鄧兆尊反問:「唔通Yen咩?」

七師傅更提到自己是幫朋友問,表示朋友是香港小姐,對鄧兆尊很有興趣,現時要幫朋友Check吓價。不過鄧兆尊就對香港小姐沒興趣,講到:「你知以前《獎門人》都好多港姐㗎啦,個個佢啲徒弟(如王祖藍、錢嘉樂、洪天明等)都有個港姐,係我冇!」

鄧兆尊表示對香港小姐沒興趣
鄧兆尊表示對香港小姐沒興趣

鄧兆尊被七師傅一直追問,其他人想幫手解圍也幫不到。七師傅再講:「而家時勢好難搵到錢,自己都好了解,所以可以自動減價,三萬一個月也可以。」之後林文龍就講笑說古明華可以。