TVB新晉 小鮮肉 ！郭子豪、丁子朗逐個看
text-東方新地 edit-Cherie photo-東方新地, 郭子豪微博,IG，丁子朗IG，電視截圖
鮮肉1號 郭子豪
《親親我好媽》籃球王子
《親親我好媽》中除了三大女角江美儀、陳敏之及呂慧儀，一眾扮演中學生的年輕演員都備受關注，當中以小情侶江嘉敏及何廣沛最受觀眾歡迎，不過大隻仔Arnold飾演的連國佳都吸引到唔少女粉絲！
劇中佢有「籃球王子」之稱，係何廣沛的死對頭，仲向年紀比自己大好多的訓導主任陳敏之示愛！角色性格都幾突出。
名牌大學高材生
Arnold 14年加入娛樂圈，讀完藝人訓練班後，簽約成為無綫「親生仔」。原來佢亦係圈中高學歷一族，中小學就讀於名校喇沙，成績一直名列前茅，據知未放榜已經有數間英國學校向佢招手。之後Arnold畢業於世界知名學府倫敦帝國學院 (Imperial College London)，佢修讀的機械工程學科更是排全球第3，名副其實係高材生！
A&F首位亞洲代言人
Arnold 21歲回港在保時捷做實習生時，憑俊朗外表及健碩身型打低二百幾位對手，被美國時裝品牌A&F選為香港代表，為該品牌百多年來首次選用的華人面孔！Arnold不旦擔任A&F的2013春夏廣告男模，亦是該品牌世界巡迴宣傳的模特兒之一，曾在不同城市如芝加哥、倫敦、紐約等地出席開幕儀式。
想當年A&F中環旗艦店開幕，一眾半裸猛男強勢列陣，全城女士為之瘋狂！女士們如果睇番當年啲相，可能會發現自己同Arnold影過相？
為保持健碩身形，Arnold一星期最少做三次Gym，一身肌肉真係唔講得笑！
💪💪💪💪 😠I wanna be A&f greeter !!! Lol
Arnold Kwok 郭子豪（@arnoldkwokk）分享的貼文 於 張貼
住豪宅 揸靚車
靚仔、大隻仲係高材生，呢個package都仲未夠！因為Arnold更來自一個富貴家庭！Arnold父親開廠做製衣起家，現經營時裝貿易生意，身家不容小覷。Arnold父母住在大埔康樂園，而佢自己就大個仔要有自己空間，以月租約三萬五租附近半山的獨立屋龍城堡，豪到爆！閒時唔使開工，Arnold就揸佢部價值80萬的Audi座駕，去到家人住的康樂園會所做Gym。
唔想「成功靠父幹」
雖然屋企咁富貴，不過Arnold一直甚少提及家庭背景，保持低調。熱愛幕前幕後工作的Arnold，讀書時期已經喜歡攞住DV四圍拍，早兩年更專程報讀演藝學院的導演課程。半年前佢開設製作公司，幫過馮允謙拍微電影，講到明唔想「成功靠父幹」！
Filmed for all the mates for the last exercise…特别有纪念价值。 戰友們，江湖见！#tvb #d28k 盆菜tonight! 甘快一年!
Arnold Kwok 郭子豪（@arnoldkwokk）分享的貼文 於 張貼
小鮮肉2 號 丁子朗
香港先生亞軍
呢位小鮮肉男神原來參加過不少選美比賽。子朗在14歲時移民加拿大， 後來就參選由新時代電視主辦的「型男家族」，當時無得到任何獎項。後來佢於香港先生中獲得不俗的獎項，連取三獎，分別係「2016年香港先生選舉亞軍」、「最上鏡先生」同「現場最受歡迎香港先生」，睇嚟子朗觀眾緣都唔錯啊！
猛男身 少女心
雖然子朗有着俊朗的外表，威猛的身材，但原來佢有一顆少女心：就係好鍾意粉紅色！而佢曾在公開場合穿搭粉紅色衣服，都十分之有型，要知道粉紅色唔係個個都carry到！
完美肌肉
子朗完美身材嘅背後，原來有個故事。話説佢大學時期受到大隻宿舍室友影響。，當時子朗被室友迫做Gym，慢慢先變成習慣。佢不時都喺社交網絡大方發布肌肉照。各位女士們，係福利啊！
視帝 馬壯被秒殺
《歎得好健康》中，四位主持黎耀祥、黎諾懿、丁子朗及陳雅思幾乎集集都浸溫泉，結實有型的子朗可謂風頭盡出，每當三位男士浸溫泉時，黎耀祥及黎諾懿為遮肚腩，通常將全身浸於水中，僅得子朗自信爆棚，大方展露完美身材，成功秒殺視帝祥及神之馬壯！
