沈家二女初長成 邱淑貞盯實沈日

流行娛樂

廣告

家陣做阿媽要教育下一代的確唔容易,何況家有三位索千金的靚媽邱淑貞(豆斗),大女沈月神複製靚媽最強基因,天生美人胚子集萬千寵愛,自小已出盡風頭,為怕女 兒入行承受不必要壓力,邱淑貞除咗心理輔導,還安排沈 月九月到英國升學,截擊女兒免被引誘,不過,睇實一個 都未夠,眨吓眼,14歲二女沈日亦長得亭亭玉立,開始 踏入青春期的她愈大愈貪靚,同家姐一樣鍾意表現自己,對自己的身材充滿自信,作為阿媽當然緊張,為免 掉以輕心,豆斗實行人釘人戰術全面監控女兒,連月來 就緊盯沈日陪出陪入兼接放學,審視女兒身邊朋友及大 小事項才安心。

 

撰文:東方新地 圖片:新傳媒圖片、ig

邱淑貞盯實沈日 軟硬兼施

99年同時裝集團老闆沈嘉偉結婚,邱淑貞即全面退出相夫教 女,先後為沈家生咗三位掌上明珠,大女沈月已17歲,二女沈日亦14 歲,加埋8歲細女沈晨,一門三美同時遺傳父母優良基因,備受關 注。繼17歲大女沈月如同倒模靚媽豆斗,被封為「最索星二代」,被 各大娛樂公司虎視眈眈, 14歲二女沈日亦開始踏入青春期,令豆斗要加 陪心力睇實個女。

貼身湊三個女絕不簡單,除已安排九月送沈月到英國留 學,近期豆斗就緊盯踏入青春期的二女沈日,實行做跟 得阿媽,日前孖住沈日到老公旗下集團時裝店揀衫。

14歲沈日唔再似以前愛男仔頭打扮,當日有阿媽陪實去爸爸的時裝店 掃貨,就著住吊帶露腰低胸小背心晒本錢,打扮比家姐沈月更性感。

據知情者透露:「沈日細個時好男仔頭,最鍾意就係著T恤同衞衣,打扮傾向運動型,近年留長頭髮,不過女大十八變,佢標高咗好多,開始踏入青春期,女仔特別貪靚,沈日都唔例外,成日都會化妝扮靚靚出街,因為身形屬有肉地,佢最鍾意著小背心同短褲,豆斗見個女打扮咁性感,點會唔緊張,但亦知道,呢個年紀正係反叛期,你愈唔畀 佢做細路就偏偏要做,豆斗都唔敢管到個女太嚴,怕會適得其反,好似 之前教大女沈月,一樣係軟硬兼施,一方面做嚴媽要督促個女,另一方面又要氹吓佢,同個女好似朋友咁相處,細心了解佢嘅心事!」

以前沈日愛穿衞衣打扮樸素, 亦唔似家姐沈月高調!

相比家姐五官輪廓如同倒模媽咪邱淑貞, 沈日就較似爸爸沈嘉偉,不過充滿陽光氣息的她,有另類健康美。

轉移視線

為免女兒行差踏錯,邱淑貞實行複製當日人釘人監控大女沈月戰術,始終沈月快滿18歲成年,加上已安排女兒九月到英國升學,她亦可以稍微退下防線,近期豆斗就轉移視線,時刻緊盯步入青春期的沈日。知情人說:「女仔忽然咁鍾意扮靚,佢都驚個女係因為有仔埋身,所以呢排佢都盡量會自己接沈日放學,搵機會識埋沈日身邊嘅朋友,不過佢又唔想個女覺得佢乜都管住晒,會借啲意話陪個女去行街同買衫,等多啲機會同個女溝通,問多啲知多啲,再畀意見輔導個女!」

 

扮靚始終係女孩天性,步入青春期的沈日亦開始蛻變,近日更效法家姐開通 IG ,著上露腰裝及cocktail dress 的她,少女味道出晒嚟!

有樣學樣

沈家二女初長成,同家姐一樣深得潮爸時尚真傳,沈日扮靚好有時代觸覺,見家姐成萬人迷,沈日有樣學樣,亦效法家姐沈月開通IG ,雖然po相寥寥可數,但靚樣初現已備受關注,沈日亦好享受。據知情人士透露:「沈日由細到大都好羨慕家姐,其實佢一樣好有表演慾,好想好似家姐咁有機會行Catwalk ,近期佢就好鍾意睇時裝雜誌,學啲Model打扮,見家姐咁多機會,佢有時都會嗲爸爸話想試吓做model,豆斗見個女對呢行咁好奇,梗係緊張啦!佢知老公易心軟,都打定底叫老公氹個女,話佢咁細個要專心學業先,話晒啱啱先截擊大女唔畀佢入行,依家二女又咁有表演慾,所以佢都計劃緊,送埋沈日、沈晨過英國讀書,到時佢就可以飛埋過去陪讀睇實三個女。」

揀衫有主見的沈日,雖然不用身旁阿媽畀太多意 見,但兩母女全程就好好傾。

深得靚媽和潮爸真傳,沈日 年紀輕輕已經好有時尚觸覺,揀衫時充滿自信,睇啱即試上身。

 

教女有方

廿四孝好媽照顧三個女勞心勞力,日前,邱淑貞接完女兒沈日放學,兩母女一齊去超市 上糧,教女有方的豆斗,同女兒揀買咩有商有量,沈日更會幫媽咪細心睇食物招紙上的成分 簡介,專攻有機及健康食品,買到成車嘢,一齊去counter畀錢,之後由沈日推住手推車,經 停車場搭𨋢上地面等司機。另一日,邱淑貞又係孖沈日出動,母女結伴去老公沈嘉偉旗下連 鎖時裝店掃貨,打扮性感的沈日,著住露腰低胸小背心非常搶眼,入到時裝店,更好有自信 不停攞衫來試,身旁的豆斗亦放手任由女兒自己揀選心頭愛,掃走兩大袋衫,兩母女還不時 傾到笑晒口,睇嚟豆斗人釘人戰術成功奏效,母女關係緊密,起碼唔怕女兒有機作反!

51歲邱淑貞凍齡有術,個樣同當年冇大分別,身旁 的沈日五官輪廓較似爹哋沈嘉偉,但仍遺傳咗媽咪 嘅豐滿身材,只係正值發育期的她身形較健壯。

開始注重扮靚的沈日,足足揀了兩大袋戰利品離開,自己抽住兩大袋衫行,唔使阿媽操勞。

母女掃完貨,一齊坐七人車返屋企。

沈嘉偉夫婦對三個寶貝女非常保護,極少會一 家五口公開合體,去年全家到台北捧學友演唱 會場,難得全家同學友合照,一家五口同框 曝光!

 

接放學

另一日,邱淑貞親自接女兒沈日放學後,兩母女再一齊行超市上糧。

母女買完嘢,一齊搭𨋢上地面等司 機,沈日更非常孝順負責推手推車, 不用媽咪操勞!

緊張女兒成長的邱淑貞,雖然做跟得 阿媽𥄫實女兒一舉一動,但同女兒相 處會軟硬兼施,唔會下下做嚴媽教 女,行街買衫以致行超市都放手畀女 兒有話事權。

 

沈月複製靚媽

大女沈月遺傳咗媽咪最強基因,自小已被封「小豆 斗」,身邊多小蜜蜂埋身外亦被娛樂公司吼到實,為截 擊女兒被引誘入行,豆斗已安排女兒九月到英國升 學,不過,天生有「女神」條件,沈月還是愛表現自 己,近期她就在社交網狂晒在英國及日本影的靚相,儼 如街拍時裝騷!

早前人在日本旅行的沈月,仍不停在個人社交網 出 po ,靚樣立即被網友洗版。

今年二月,沈月為父親沈嘉偉旗下時裝品牌出席英 國時裝周,首次行天橋的她舉手投足都自信十足!

 

邱淑貞的近況是?

「美魔女」邱淑貞今年雖然已經50多歲,不過樣子依然保持在青春美麗的樣子,早前邱淑貞出席好友聚會時就…詳情請看

邱淑貞的三位女兒詳情?

邱淑貞大女沈月,以AYLA藝名正式出道。而早前參加的多個活動,盡show其逼爆身材。而邱淑貞的三名女兒,二女沈日及細女沈晨甚少曝光,而沈日沈晨遺傳父母優良基因…詳情請看