邱士縉Stanley@MIRROR放負:被現實打沉 網民:被條女Alina拖累事業

流行娛樂

廣告

邱士縉Stanley@MIRROR,人稱大表哥,在隊中人緣甚佳,昨日忽然在IG放負,指由失望變為絕望,自己也被打沉,網民揣測Stanley近日推出首支solo,公司卻未有大力宣傳,疑感不受公司重用而意志消沉!

邱士縉悼亡母新歌MV點擊逾40萬

邱士縉Stanley上月母親節推出第一首獨唱歌曲《來不及》,以悼念年初母親離世,在MV細緻又深情的演譯備受讚賞,出歌後首次出來席活動,卻撞正隊友姜濤與泥鯭事件,為稱兄道弟的兄弟說好話,回應完姜濤的是非,才能入正題講自己首新歌!MV播出約三星期,點擊率破40萬人次。

邱士縉 邱士縉有份構思新歌《來不及》MV,以悼念亡母!
邱士縉有份構思新歌《來不及》MV,以悼念亡母!(圖片來源:大會提供)
邱士縉 邱士縉Stanley在MV回憶母親點滴,痛心落淚,令人動容!
邱士縉Stanley在MV回憶母親點滴,痛心落淚,令人動容!(圖片來源:大會提供)

Stanley昨晚忽然在IG即時動態,黑色背景出字post:

失望之後是什麼

是絕望

現實再一次把你打沉

究竟需要我多大的努力才行?

我也不知道了

邱士縉 Stanley在IG即時動態,以極細字表達心情!
Stanley在IG即時動態,以極細字表達心情!(圖片來源:IG@stanleysc_)

網民:快啲約滿去古天樂度拍戲!

有網民猜測被標籤為MIRROR下弦的Stanley,首支單曲《來不及》未有被公司大力宣傳,在各大平台流行榜亦未見上榜,因此一次感到灰心。「首歌播咗大半個月,903榜都入唔到,公司究竟有無做嘢,其他嗰啲係榜首三甲走唔甩」、「自己台CHILL CLUB都無安排上?」、「前幾日出post話想拍戲,不過索性全身轉去拍戲好過,MIRROR光環其實係阻佢發展」、「佢拍戲幾好睇,不如專心做演員」、「快啲約滿去古天樂公司全力拍戲」、「講真,有實力都要公司肯捧你先得㗎?」、「公司資源去晒其他人度」、「MIRROR努力擔當」。

邱士縉 Stanley左)和Alton在劇集《I.SWIM》中扮中學生,被指太無說服力,全靠演技搭夠!
Stanley(左)和Alton在劇集《I.SWIM》中扮中學生,被指太無說服力,全靠演技搭夠!(圖片來源:IG@stanleysc_)
邱士縉 Stanley和姜濤感情好,姜濤早前與泥鯭事件,Stanley話好心痛姜濤又要承受壓力!
Stanley和姜濤感情好,姜濤早前與泥鯭事件,Stanley話好心痛姜濤又要承受壓力!(圖片來源:IG@stanleysc_)

網民:飛咗條女先啦!

亦有網民指Stanley近來受女友拍片惹負評影響,「本來Stanley外型同形象唔差,被條女拖累囉」、「條女個條廚師發辦條片,睇到佢兩個遲到當有趣,Stanley話I don’t care都剪埋出嚟,真係好影響Stanley個形象」、「演唱會出事嗰陣第一時間係同條女飛去日本旅行,條女仲要一邊出好嬲好嬲嘅post一邊日日post港女相去旅行仲做埋日本代購 好心係去旅行都低調啲啦,雖然飛咗條女都未必會紅 但唔飛就一定同條女一樣咁吸haters」、「本身睇野人老師覺得佢都幾好,但最近睇完佢條女同佢既YouTube vlog覺得佢地好羞家」、「其實做偶像,有女朋友係會令人少咗啲幻想,仲要佢女友咁高調咁唔討好」。

邱士縉 早前Stanley女友Alina慶祝拍拖周年,到高級餐廳不理餐廳定下規矩而明知故犯,而Stanley更講出:I don
早前Stanley女友Alina慶祝拍拖周年,到高級餐廳不理餐廳定下規矩而明知故犯,而Stanley更講出:I don’t care ! (圖片來源:IG@Alina Lee 李炘頤)
邱士縉 Alina出席活動時回應:「係有啲誇張咗,我自己係有禮貌嘅,遲到呢,我哋有say sorry,喺片度有say sorry,...大家太多想像力,做乜都有人話你,所以我會拍啲自己想分享畀人睇嘅嘢囉。」
Alina出席活動時回應:「係有啲誇張咗,我自己係有禮貌嘅,遲到呢,我哋有say sorry,喺片度有say sorry,…大家太多想像力,做乜都有人話你,所以我會拍啲自己想分享畀人睇嘅嘢囉。」(圖片來源:Viu1HK截圖)
邱士縉 32歲的Stanley外形不俗!
32歲的Stanley外形不俗!(圖片來源:IG@stanleysc_)
邱士縉 兩星期前出席歌迷聚會都玩得好開心!
兩星期前出席歌迷聚會都玩得好開心!(圖片來源:IG@stanleysc_)

圖片來源:IG@stanleysc_、Viu1HK截圖