達哥台灣夜市向妹豬抄牌不果尷尬敗走 自爆翻啅成功無人信！
達哥夜市玩遊戲聲稱被騙
達哥開直播帶大家行夜市，興之所至，想玩台灣夜市的遊戲，但當時幾乎玩遊戲的檔口全部收檔，剛好遇見兩位台妹正在收拾，見達哥話想玩射飛鏢，立即夾手夾腳重新開鋪。達哥表示想要得到蠟筆小生公仔，達哥雖然幾乎百發百中，但中間有點小誤會，達哥覺得被搵笨，邊玩邊用其廣普被騙。最終如願以償得到公仔的達哥，再次出動去醫肚。
達哥要求台灣「加IG」失敗！落寞敗走！
直播時有網民留言起哄叫達哥要台妹IG，最初達哥都話癡線，但忽然回頭找剛才遊戲檔口的台妹，並請二人「加IG」，由於達哥唐突，直接問「你要追隨我頻道嗎？下」，當刻兩位台妹不明所而，互相對望，氣氛尷尬，但達哥還要人拿出電話，令對方不知如何是好，達哥再話：「追隨我IG好啦，下」氣氛瞬間跌至冰點，達哥極度尷尬表示沒關係，令氣氛更為尷尬，最後達哥揮手離開，一臉失落對鏡頭話：「我知點解佢哋咁，因為佢哋覺得加咗IG，就係想媾佢哋。」
網民：台灣人最nice，達哥應該係第一個被台妹拒絕嘅人
網民隔住mon都感覺到極度老尷，紛紛留言：「達哥你又唔印下啲臉油，又唔著番套老西，嚇親啲妹妹仔」、「你玩遊戲時答人係女生，成個易服癖咁，邊個咁follow你呀」、「達哥真毒，唔係扮，呢方面真係要向劉馬車請教下，起碼劉馬車對住女談討正常，識㨁制個場面」、「台灣人最nice，都派檸檬，應該達哥係第一個被台妹拒絕嘅人」、「識唔識同人講嘢，溝通㗎，無前無後，直接叫人加IG，人地問多句，你就話算了沒關係，果然係毒男」、「應該玩完遊戲傾多兩句，先叫人follow啦，走咗返轉頭，嚇死人咩」、「達哥應該簡單自我介紹下自己，平時會直播打機，問人有無興趣睇？先問人可唔可以follow啦，呢啲平常嘢都唔識，達哥真係毒到盡頭」、「陰公，喺香港啲人會主動同達哥影相，去到台灣要食檸」。
達哥自爆翻啅成功無人信！
達哥其後把直播放上YouTube，仲話兩位台妹後來追上來要求追蹤其頻道及IG，又指台妹同佢講剛才老闆在，不方便，達哥更晒出合照，不過網民就繼續恥笑mode，「真相係點無人知！」、「無片，達哥講乜都得啦」、「可能熄咗機比錢補拍，同埋點樣再溝通又另一回事啦，無人知㗎喎」、「明明嗰晚完咗，食埋嘢走人，好多疑點。」、「雖然直播達哥食完檸檬，敗走行到好達，台妹點搵得番佢呀，呢單先係騙局」。
