叱咤2024｜連登仔出招力撼鏡粉！3大理由最喜愛男歌手要投尹光

叱咤2023｜連登仔呼籲全世界投尹光力撼MIRROR

近呢幾年都係人氣男團MIRROR橫掃叱咤唔少獎項，「我最喜愛的男歌手」更係落入姜濤以及Anson Lo之爭。而近日就有連登仔以「我呼籲全世界票投尹光！」開題，叫大家一齊出招大戰鏡粉，而且此post一出，已經有成3000幾個正評，支持做法，唔少連登仔即投票響應「投咗」「支持」「見啲 COLLAR 谷都開始推人投光B」強調3大理由一定要支持，第一Dear myself真係好好聽好有意思，第二古天樂都得，尹光更加有資格，第三，連AI都玩埋最潮係佢！「Dear myself成首歌個概念同背後個意義有意思過好多歌」「當年古天樂都係咁拎獎啦，尹光更加有資格」「人地連AI都玩埋，完全唔老土」

叱咤2023｜網民：只有MC先可以打低mirror！

不過都有網民唔撐，叫大家應該投MC，指MC先係最有機會打低mirror！「條友啲唱腔咁老土都吹奏，我投返MC算 起碼fxxkboy樣幾潮唱歌又好聽」「走去投尹光呢啲口水歌歌手 咪又係玩爛香港樂壇，講得出投尹光 你本身都唔在乎樂壇會點發展啦係咪」「投MC先有機會打抵姜B，忍痛棄光B，全家投MC」亦有連登仔叫大家繼續投姜濤，指姜濤感言好重花生好好睇「其實識玩一定投姜，想睇多次佢發台瘟」

叱咤2023｜當年古天樂都得 點解尹光唔得！

講到投尹光，唔少網民都講起當年2018，古天樂被推舉做 「我最喜愛的男歌手」，認為真係一切都有可能！當時同期競爭歌手有陳奕迅、張敬軒、陳柏宇、周國賢，而古生只有一首同謝安琪合唱的〈一個男人〉同埋〈浴室〉上榜。古生上台時都表示「呢個世界真係好奇怪，真係會有奇蹟出現，我都可以行到上台攞呢個獎，我真係無嘢好講」然後仲清唱咗10幾年前〈男朋友〉一曲！

一齊睇片重溫！

大家投咗心未呀～