連登仔怒轟林明禎太多廣告嫌煩直指嚟到香港先變女神

Feb 23 2023

「大馬女神」林明禎近年都專注於香港及台灣地區的發展，最近出演電影《飯戲攻心》中形象更是相當入屋，令到她人氣再度急升。而大家有出開街都知，基本上現在街上有十分多的廣告，無論是影片或是硬照代言，都搵林明禎作為代言人去拍攝，其火紅程度相當誇張。

連登仔怒轟林明禎太多廣告嫌煩直指嚟到香港先變女神

林明禎近年在香港及台灣都有不錯的發展，拍過幾套戲令其清純系形象深入民心，而她亦成為了廣告界的新寵兒，在香港有唔少廣告都可以見到林明禎的身影，而且其類型仲包羅萬有，就連遊戲代言廣告，港鐵廣告等等，都逃不出林明禎的手掌心。亦由此證明林明禎在香港當紅程度的確十分高。

連登仔斥明禎係「北姑」

不過近日就有連登仔以侮辱性說話怒轟「林明禎同北姑有乜分別？」，當中提及她「廣東話都未識講」以及「乜x都搵佢賣廣告煩x過x」，指出周街都見到佢，令人出現一種厭惡感覺。亦有網民認同該名連登仔的講法，諗唔明到底林明禎點解會紅，懷疑是因為形象健康。亦有人直言：「條友去到邊都敗走，喺香港就變「女神」，真係福地」。