林作被連登仔指「好可悲」撈咩都唔掂！意見兩極：有兩樣嘢撈得好？
廣告
「抽水王」林作日前因為抽水鑽石山慘案，被網民大鬧冷血，其後即被公司出聲明指已炒林作魷魚，林作亦不甘示弱，IG狂出post展示其「實力」，自家客戶力撐會跟隊走人，仲喺昨日（5日）半山的屋企開記招，強調自己唔會道歉，被炒後大把公司搵佢！雖然林作仍然招積，不過就被連登仔指佢好可悲，甚至覺得佢無樣掂！
連登仔：林作撈咩都唔掂有錢之外無長處
林作因抽水鑽石山慘案一事被連登仔瘋狂討論，有連登仔喺討論區出post，標題為「林作律師撈唔掂，補習撈唔掂，保險佬撈唔掂，你人生有乜價值？」認為林作無論做咩工作都好都撈得麻麻地，甚至連「男人的擂台」都輸咗埋鍾培生，認為佢除咗有錢之外無咩長處，仲狠批林作係佢階層入面最廢最x嗰個！仲有連登仔都認為林作好可悲「佢呀媽俾咁多錢佢讀個law，讀完撈大狀又撈唔掂，做保險都可以做到俾人炒」。
網民意見兩極：職業兒子撈得幾好呀
此討論一出引起唔少網民認同「呢啲咪就係典型嘅比老母，錫壞咗，感覺自己一定啱晒」「林作一手好牌準備玩到爛」不過都有唔少網民力撐林作「職業兒子撈得幾好呀」「佢唔做嘢，我諗都有過億身家。做嘢先體現到人生價值其實又係咪可悲？」「但係人地大把錢」「佢撈得掂保險喎」「溝到十A」「邊個笑邊個都未知」「佢無左份工都係住麥當勞道」「網絡紅人撈得幾掂」
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：ig＠jolamchok
