送南柱赫香港見面會簽名証
廣告
提起YG，大家好自然會聯想到BIGBANG，都啱嘅，金蛋嘛！不過，其實YG除咗音樂部門之外，亦設有演員部，大媽最愛嘅車勝元同崔智友均先後被收歸所有。不過，講到近期YG演員部最炙手可熱嘅，一定係因劇集《Who Are You-學校2015》而爆紅嘅南柱赫。
角色討好 迷妹勁冧
94年出生嘅南柱赫係名副其實小鮮肉1名，上年以model身分出道兼任樂童音樂家嘅MV男主角，即時得到唔少姐姐們關注，之後雖然有份演出劇集《剩餘公主》，不過反應一般，直到出演綜藝節目《我去上學啦》，同節目中嘅另一演員康男齊齊上位。而喺剛播完嘅《Who Are You-學校2015》中，南柱赫同組合BTOB成員陸星材首次做男主角，齊齊飾演暖男，全劇喺韓國平均收視7.44％，雖然比2年前由金宇杉、李鐘碩擔正嘅《學校2013》略遜，但以新人計嘅話，都算有交代。
空降香港 有市有價
小鮮肉南柱赫本月8號將空運抵港，並喺上水廣場舉行見面簽名會，粉絲為近距離見小鮮肉，天都未光就去排隊換簽名證，100名額半小時內被KO，而原本只需購物滿1千元換取嘅簽名證，網上已被炒至3千元，炒價媲美韓國天團演唱會。
現送出南柱赫首個香港粉絲見面簽名會入場証，想要嘅朋友，請留意遊戲玩法，即有機會獲得。
日期：7月8日（星期三）
時間：6:30pm
地點：上水廣場2樓中庭
・於網站comment/留言位置分享你鍾意南柱赫嘅原因。
・填妥表格及遞交。
・《新Monday》將會揀出心水答案。
・得獎名單將會喺網站公布，得獎者將獲電郵通知。
遊戲截止日期︰3/7（中午12時），得獎者將獲電郵通知。
《新Monday》保留最終決議權
鳴謝：SMILES Production Ltd.
