農夫成功北上 簽內地公司出歌開騷 網民：佢哋知唔知有《十年人事》呢首歌？
廣告
自C君擔任TVB J2節目創意總監，陸永忙於拍劇等，農夫久未合體一展歌喉。近日農夫突然更新官方微博慶中秋，原來係為北上鋪路？！
農夫中秋更新微博 鋪路北上
9月10日中秋節時，久未更新的農夫官方微博突然出post，放上背景係廣州月餅照，並送上中秋祝賀說話，引嚟唔少粉絲留言問農夫幾時出新歌同開show「來廣州搞演出嗎」「居然發微博了。還會出新歌麼」「竟然發微博～奇過出奇蛋」「什麼時候開live！ ！ ！」「啊 新歌 演唱會都想要」農夫仲大方回覆粉絲，原來預告會有新歌及開show「做好喇，mix緊啦，等你咋」「今次留定一千張票给你？」「會開個c君影相會，他做模特绐大家影兩小時，來不來？」陸永仲解釋原來一直久未更新微博其原因係忘記咗微博密碼。
同內地公司簽約 出新歌
經過中秋後，農夫官方微博宣布已加入內地公司，仲預告好快會同大家見面「好耐冇見嘅老友，我們回來了！ 從來冇見過嘅朋友，我們前來了!！無論新朋定舊友，出來認識還是聚舊 我地會好快見面!!！」
網民：北上耕田 農業大躍進
香港網民知曉後表示好諷刺，不斷打上農夫歌曲中《全新派台作品》以及《十年人事》的歌詞「農業大躍進」「农夫牛b 」「公司知唔知佢地唱過十年人事這首歌架」「農夫山泉有代言了」「以前啲歌講到幾有骨氣」「真係北上耕田」「農夫玩普通話，大陸人會唔會欣賞」「香港偽人，從來都係笑話」
關鍵詞
農夫
圖片來源：weibo＠農夫c君、weibo＠農夫Fama
