豬肉威一直Is Watching You?網民驚見威威刪去追數Comment!

流行娛樂

廣告

豬肉威威劉宋威自從除罩後,人保就開始下滑,早前更被爆粉絲群組停運,而他亦自從更新完最新一集「紋威威豬」後,亦都神隱唔見人,最後被發現已經回歸肉檔,做返一個稱職的豬肉佬!

豬肉威一直Is Watching You?網民驚見威威刪去追數Comment!

豬肉威威近日神隱,回歸肉檔做返個豬肉佬。有「苦主」直踩威威的instagram追數,暗指做枚出席藝人(威威)生日會撐場造勢後,有汗出冇糧出,公關公司同威威等大部份人深潛龜縮問極唔覆,似乎迫不得已下就在威威instagram追番啲血汗錢,心水清網民直指威威買「豬粉」,更紛紛留言叫威威等人找數、浮上水面、還錢等等!

豬肉威 荃灣豬肉佬威威 有網民稱出席完威威生日會兩小時未出糧,追討無門,好無助!
有網民稱出席完威威生日會兩小時未出糧,追討無門,好無助!(圖片來源:waiwai_608@ig)
豬肉威 荃灣豬肉佬威威 有人建議直接去荃灣搵威威收數,仲笑言生日會的豬粉係流嘢,反問威威當日流馬尿為乜?
有人建議直接去荃灣搵威威收數,仲笑言生日會的豬粉係流嘢,反問威威當日流馬尿為乜?(圖片來源:waiwai_608@ig)

威威一直都Mon實!?

目前越來越多Fans前往威威的IG上面聲討,希望能夠出返糧!不過更有網民威威並唔係消失唔見,其WhatsApp追數時對方仍然會已讀不回,即代表其電話號碼仍有人使用中。另外都有網民發現威威的IG上面有Delete Comment,一些關於「追數」的Comment一直被刪去。

豬肉威
(圖片來源:IG@waiwai_608)

拍片新題材:收皮啦威

有網民更指希望威威上水,已經為威威諗好下一個拍片題材,叫做「收皮啦威!」。又希望對方能夠快啲上水交待事件,唔好再龜縮。

豬肉威
(圖片來源:IG@waiwai_608)

Fans絕地大反擊!?

不過有疑似是威威的Fans都上水反擊,直指:「唔理其他人點講,總之自己知自己做緊乜就得。我覺得你是好的。」、「你嗡乜呀!如果你真係追債唔需要喺度嗡呀?你搵返搵你啲人,喺度講就係搞事。我哋去參加一亳子都冇收,搞事去搵勞工處!」,有網民懷疑係威威本人用分身回覆。

豬肉威
(圖片來源:IG@waiwai_608)
豬肉威
(圖片來源:IG@waiwai_608)

過百豬粉撐場幾成堅?

5月彈出爆紅,當時還被封「荃灣豬肉檔AK」的威威,在6月5日於荃新天地舉辦生日會,慶祝6月8日的35歲生日,活動吸引過百「豬粉」到場滴晒汗吶喊助威,禮物應援牌一應俱全,生日會吸引唔少媽媽級粉絲連年過80的婆婆、印傭都有,到底有幾成係「真・豬粉」呢?

豬肉威
(圖片來源:IG@waiwai_608)
豬肉威 荃灣豬肉佬威威 現場人山人海,不過家陣被指「未找數」。
現場人山人海,不過家陣被指「未找數」。(圖片來源:citywalk@fb)

圖片來源:citywalk@fb,IG@waiwai_608