豬肉威威疑似想復出試水 憔悴近V煞臉照曝光 網民出6字回應

流行娛樂

廣告

荃灣豬肉威威爆紅後,事非不斷,早前爆網民爆出勁多負面消息,湧現一堆黑粉開埋黑粉fb群組,威威出盡招數,又拍片澄清、自費驗毒、紋「威威豬」紋身等,勢要挽回師奶的心!不過可惜入行57日後,都係頂唔住太多負面消息,而忽然退隱,停止更新所有社交平台。近日有網友爆出了一張與豬肉威威的合照,臉容憔悴!

豬肉威威近照變V煞臉

該名網友分享了一張與豬肉威威並排攬肩的合照,似乎同豬肉威威相當熟落,仲留言話:「呢舖真係威威食雞。」並寫上Hashtag「豬肉切割員」,相信正和豬肉威威聚餐。

豬肉威威 豬肉威威與朋友在荃灣聚餐的近照曝光。
豬肉威威與朋友在荃灣聚餐的近照曝光。(圖片來源:IG@ gary_tang_kit)

戴著口罩時曾被指貌似MIRROR成員AK江𤒹生的豬肉威威,在除下口罩後,人氣插水式下滑,相中的他亦未有戴口罩,網民發現他現時臉形變得尖瘦,眼袋亦頗深,再加上滿臉鬚根,顯得十分憔悴。

豬肉威威 豬肉威
未除罩前的豬肉威威,曾被指撞樣MIRROR成員AK。(圖片來源:IG@waiwai_608)

疑為復出試水溫 網民嗌唔好

這次豬肉威威近照忽然曝光,有網民留言大讚豬肉威威比以前更加靚仔,亦有網民猜測他似乎想為復出試水溫:「想陰啲陰啲出返嚟?」對此網民紛紛說不,更回應話:「見到佢都想嘔」,有網民更指威威外表實在「普通過唔普通」、「完全唔明點解佢會『紅』」等等。

豬肉威威 豬肉威 威威 得悉拍攝時要除下口罩,威威坦言感到緊張萬分。
現年36歲的豬肉威威曾為拍廣告除罩現真身,結果網民唔多受落。(圖片來源:廣告商圖片)

重溫威威除罩後星途殞落經過

今年5月突然爆紅彈出的「荃灣豬肉佬威威」(劉宋威),挾半遮面型男樣出道,更有「豬粉」為他成立專頁「荃灣鮮肉威威應援團」,粉絲超過18.2K!不過隨著威威開罩、黑材料越挖越多,威威人氣雪崩式下跌,除了被影到最近回歸豬肉檔做「幕後」之外,威威早前更加慘被人殺上IG踩場追數!

豬肉威威 豬肉佬 豬肉威 威威 最後威威仲同幾位女士一齊擺chok pose。
威威在爆紅後曾除罩接拍廣告。(圖片來源:YouTube@Life Nutrition)

威威在8月拍廣告時曾表示過自己感覺既興奮又激動,當時網民對他「除罩」現出真面目反應兩極,有網民大讚他「冇帶口罩都好靚仔」、「幾好睇~好自然」、「除了口罩更型」等等,亦有網民勁彈他「個鼻好大個」、「大鼻龜」、「執得咁勁」等等。不過後來市場反應證明「除罩」的確成為威威致命傷,自從該條「除罩」廣告出街後,威威的粉絲雪崩式下跌。

豬肉佬 豬肉威威 娛樂圈 豬肉威 威威 威威笑言太太對他今次「除罩」演出,竟比他更著緊:「老婆常常提醒我剃鬚剃乾淨啲,笑我平常因為戴口罩懶剃鬚。」
威威笑言太太對他今次「除罩」演出,竟比他更著緊:「老婆常常提醒我剃鬚剃乾淨啲,笑我平常因為戴口罩懶剃鬚。」(圖片來源:廣告商提供)
豬肉佬 豬肉威威 娛樂圈 豬肉威 威威 威威在廣告中做回老本行分割豬肉,展現出強勁的臂力。
威威在廣告中做回老本行分割豬肉,展現出強勁的臂力。(圖片來源:廣告商提供)

重新笠罩圖派閃卡救市被指趕客 威威被佳能割席

佳能當時為荃灣豬肉檔威威(劉宋威)發行100張限量閃卡,以威威「笠罩」經典造型登場,廣大網民收到之後激到嘔兼大叫救命,險為佳能帶來公關災難,事後佳能眼見威威閃卡問題出事,品牌方火速拍新片與威威割席,由阿正頂上,更在社交平台表示:「男神只得一個,佢只會係密實哥!」

豬肉威威 豬肉佬 豬肉威 威威 早前佳能為荃灣豬肉檔威威劉宋威)發行100張限量閃卡,廣大網民表示佳能今次推廣活動失策「見到張咭反而唔x想買」。
早前佳能為荃灣豬肉檔威威(劉宋威)發行100張限量閃卡,廣大網民表示佳能今次推廣活動失策「見到張咭反而唔x想買」。(圖片來源:FB@荃灣鮮肉威威應援團)
豬肉威威 豬肉佬 豬肉威 威威 佳能更在社交平台上公開與威威割蓆,發文表示:「我哋都聽到大家嘅聲音,就係男神只得一個,佢只會係密實哥!」
佳能更在社交平台上公開與威威割蓆,發文表示:「我哋都聽到大家嘅聲音,就係男神只得一個,佢只會係密實哥!」(圖片來源:IG@jeffreyngai)
豬肉威威 豬肉佬 豬肉威 威威 威威出閃咭,威威豬當然受落,不過有網民就唔係咁睇喇,話「見到張咭反而唔x想買」。
威威出閃咭,威威豬當然受落,不過有網民就唔係咁睇喇,話「見到張咭反而唔x想買」。(圖片來源:連登討論區網站截圖)(圖片來源:連登討論區網站截圖)

苦主踩上豬肉佬威威IG追數 經理人及助手被爆潛水走佬

早前在威威的 IG上,突然出現一條網民留言:「上次你哋藝人生日會戈(嗰)度公關公司仲未出糧。再問又吾(唔)覆,你哋公司可否正式下(吓),我哋真係又身水身汗去左(咗)會場,實行左(咗)通告兩小時的工作,但現在追討無門。」,暗指做枚出席藝人(威威)生日會撐場造勢後,有汗出冇糧出,公關公司同威威等大部份人深潛龜縮問極唔覆,似乎迫不得已下就在威威IG追番啲血汗錢,心水清網民直指威威買「豬粉」,更紛紛留言叫威威等人找數、浮上水面、還錢等等!

豬肉佬 豬肉威威 豬肉威 威威 威威好識冧粉絲。
荃灣豬肉佬威威(劉宋威)因貌似MIRROR成員AK突然爆紅,但自除罩拍廣告後,人氣大跌,早前有威威豬發現佢靜靜雞紋身「找數」答謝忠粉。(圖片來源:IG@waiwai_608)
豬肉威威 荃灣豬肉佬威威 有網民稱出席完威威生日會兩小時未出糧,追討無門,好無助!
有網民稱出席完威威生日會兩小時未出糧,追討無門,好無助!(圖片來源:IG@waiwai_608)

該位自稱被拖數的網友回覆其他留言時透露,曾WhatsApp發訊息追數,但被已讀不回;涉被拖糧的網友又表示:「吾(唔)喺(係)有心留言講呢啲嘢但我冇曬(晒)辦法」,更詢問其他網友:「你哋如果知道公司邊個出糧可否幫我問吓」。有其他網友表示:「工資凍過水」、「還$啦威」。

豬肉威威 荃灣豬肉佬威威 有人建議直接去荃灣搵威威收數,仲笑言生日會的豬粉係流嘢,反問威威當日流馬尿為乜?
有人建議直接去荃灣搵威威收數,仲笑言生日會的豬粉係流嘢,反問威威當日流馬尿為乜?(圖片來源:IG@waiwai_608)

「退守」幕後 全程黑面唔出聲

威威的專頁同應援群組被揭自從8月15號之後冇再更新,粉絲更大爆連管理員都消失,有「豬粉」特別到豬肉檔探究,有指威威已經唔使斬豬肉,轉戰「幕後」幫同事做其他嘢。之後有傳媒走訪威威做事的豬肉檔,據報道指豬肉威即時「黑臉」,背向記者專心分割肉類,表示「做緊要、唔得閒」拒絕受訪。及後再有另一名男年輕男子出面護駕,先向記者質問來歷和用意,及後表示若有任何查詢應該去問「公司」,而豬肉威在過程中依然保持沉默,頭也不回,感覺非常黯然。

豬肉威威 荃灣豬肉佬威威 威威的經理人助手等全部深潛,威威就打回原形返豬肉檔搵食,不過退居「幕後」。
威威的經理人助手等全部深潛,威威就打回原形返豬肉檔搵食,不過退居「幕後」。(圖片來源:FB@香港突發事故報料區)

經理人9月頭深潛至今 PR公司指唔清楚

據知威威經理人李小姐、豬肉檔大佬文哥及威威助手Maggie,早於9月頭就已經被傳媒發現潛水,面對所有提問均已讀不回,據其他傳媒報道指,其中一名「經理人」文哥更已離職。日前有更有傳媒「野生捕獲」文哥,不過他一直拒絕受訪。至於有份幫手搞威威生日會的公關公司人員在本地傳媒聯絡下就透露,對威威被追數一事十分愕然,更表示公司只負責枱面嘢,例如活動流程、新聞稿及見記者,只是為商場搞活動,其他事不太清楚,要問返威威。該PR又表示其公司沒收到追數訊息,因此認為拖糧問題與商場無關。

豬肉威威 豬肉佬 威威身邊的「經理人」突然之間全部「失蹤」
威威身邊的「經理人」突然之間全部「失蹤」(圖片來源:FB@荃灣鮮肉威威應援團)

「豬粉」對群組停運感愕然

「豬肉威威」一向活躍的粉絲群組「荃灣鮮肉威威應援團」自8月15日開始停止更新,有網民發現就連群中的「威威豬」亦對於群組停運感到惘然,更表示:「唔係冇Post出,而係管理員唔批Post,又什麼事都唔交代,令到個群半荒廢,我哋都想知道乜嘢狀況,如果真係有需要不如將管理員交捧吧!」

豬肉佬 豬肉威威
(圖片來源:FB@荃灣鮮肉威威應援團)
豬肉佬 豬肉威威
(圖片來源:FB@荃灣鮮肉威威應援團)

過百豬粉撐場幾成堅?

「豬肉威」今年5月彈出爆紅,當時還被封「荃灣豬肉檔AK」的威威,在6月5日於荃新天地舉辦生日會,慶祝6月8日的35歲生日,活動吸引過百「豬粉」到場滴晒汗吶喊助威,禮物應援牌一應俱全,生日會吸引唔少媽媽級粉絲連年過80的婆婆、印傭都有,但之後威威竟被疑似「豬粉」踩場追數,難免讓人質疑當日到底有幾成係「真・豬粉」?

豬肉威威 荃灣豬肉佬威威 威威搞大型生日會,當日因應疫情理所當然以口罩樣只露眼示人,仲識做狂發電派心心。
威威搞大型生日會,當日因應疫情理所當然以口罩樣只露眼示人,仲識做狂發電派心心。(圖片來源:FB@citywalk)
豬肉威威 荃灣豬肉佬威威 現場人山人海,不過家陣被指「未找數」。
現場人山人海,不過早前被指「未找數」。(圖片來源:FB@citywalk)
豬肉威威 荃灣豬肉佬威威 「豬粉」大部份都好專業,威威笑到矇晒眼,佢哋都同威威大合照留念。
「豬粉」大部份都好專業,威威笑到矇晒眼,佢哋都同威威大合照留念。(圖片來源:FB@威威應援團)

撰文:東方新地圖片來源:IG@ gary_tang_kit、IG@waiwai_608、廣告商圖片、FB@威威應援團、FB@香港突發事故報料區、FB@荃灣鮮肉威威應援團、IG@jeffreyngai、FB@citywalk資料或影片來源:原文刊於東方新地