微辣豪Dee撇甩Yelo？！疑秘戀公司剪片師 女友真身曝光？！
撰文：東方新地 ｜圖片：豪Dee IG、豪Dee YouTube、加蔥IG、微辣影片《這是我們的銀幕故事》截圖｜編輯：海月｜原文刊於：東方新地
豪Dee疑似正印女友身份曝光
微辣人氣藝人豪Dee（歐陽仲豪）在公司官網上被稱澳門Top one網紅，19年曾出演由彭浩翔執導的賀歲片《恭喜八婆》，名副其實是微辣人氣王。而豪Dee與拍擋Yelo（黃曉晴）不時以情侶檔拍片，更在螢幕前愛得高調，深得觀眾受落，是辣粉心目中公認的一對。不過，原來豪Dee正印女友卻另有其人！上月22日微辣加蔥在IG上載一張豪Dee同剪片師Chiteng撐枱腳食飯的合照，即觸發網友熱烈揣測，指Chiteng疑似是豪Dee正印女友，並踴躍發掘二人關係的蛛絲馬跡。有辣粉考古發現，9個月前另一藝人Doris的youtube影片中，加蔥都有在鏡頭面前快速掠過，並介紹Chiteng是「豪Dee女朋友」，雖然當事人有在片中矢口否認，足見Chiteng疑似豪Dee正印女友身份並非空穴來風！
與Chiteng鴛鴦戲水
有資深辣粉再翻查豪Dee的YouTube頻道，重提兩年前《豪Dee建立私人游泳池》的影片中，豪Dee早已搵Chiteng拍片客串演出，二人亦表現得非常合拍。影片主要由Chiteng操刀拍攝，豪Dee專注演出部份，但到片尾階段，豪Dee索性拉埋Chiteng入鏡，二人在沙灘豪不避忌地鴛鴦戲水，羨煞旁人。影片出街後，豪Dee的螢幕情人Yelo亦有大方俾like，留言道：「個like俾Chiteng同你裸上身的犧牲。」而醒目的網友亦紛紛留言：「豪Dee條女」、「女朋友，明白」、「豪Dee有女朋友，我失戀了」等等，二人關係不言而喻。其實豪Dee過往一直避談感情事，從未公開承認拍拖，每次出現於其他藝人拍vlog的「QnA環節」中，都只強調目前重點係專注演出，去年更開始養貓「梵高」，仲幫埋貓貓開IG，化身貓奴吸納更多Fans。
與「幕前女友」Yelo關係曖昧
Yelo（黃曉晴）與豪Dee同為微辣藝人，做足6年豪Dee的「幕前女友」，由短片年代到MV再到廣告，二人的幕前「戀愛經驗」豐富，亦係辣粉最期望「戲假情真」的一對，深得網民喜愛。去年6月，由Yelo有份編劇的影片《這是我們的銀幕故事》中，Yelo真情剖白同豪Dee相處6年的曖昧關係，指自已曾經有心動、喜悅、不甘心的情緒，但已化成淡淡的憂鬱。片中Yelo亦坦言：「其實一直都好鍾意豪Dee，如果現實同做戲一樣就好。」到片尾部份，Yelo真誠感謝豪Dee多年的照顧：「我會將我哋甜蜜嘅回憶放在心上，因為有你嘅陪伴，先至有依家嘅我，以後你依然會係一個好特別嘅存在，真心要同你講聲多謝。」最後Yelo更主動向豪Dee溫馨獻吻完美作結，令人感動催淚！而Yelo在上月微辣主持人Jacky Lou節目中談及與豪Dee的關係時，指自己存在身份危機，仲話：「如果唔做豪Dee女朋友，唔知仲可以做啲咩！」相反，豪Dee被問及同Yelo關係就好避忌，而且強調「雖然有Feel，但抽離返角色就無嘢。」
澳門餅店太子女Yelo
24歲的Yelo其真是澳門龍鳳餅家太子女，家境富裕，生活無憂。去年9月Yelo曾經帶豪dee「見家長」，搵老豆教整月餅拍片，有觀眾留言：「Yelo同豪dee拍片笑得特別甜， 同其他男藝人都冇咁甜。」
加蔥結婚對象是誰？
儀仔與加蔥同是微辣幕後員工，不時也會客串微辣的節目，加蔥與儀仔自2021年10月開始拍拖…詳情請看
阿晶對加蔥結婚有何回應？
阿晶對於加蔥結婚未有正面回應。不過近日前上傳一張照片，當中字裡行間卻有所暗示，網民猜測…詳情請看
