谷婭溦去茶記拍抖音片遭問候母親（有片） 發脾氣：服務態度太差！

谷婭溦去茶記拍抖音片遭問候母親 發脾氣：服務態度太差！

歌手谷婭溦一向都有在經營個人抖音帳號，近日就前往香港茶餐廳進行「探店」，希望能為一眾中國遊客做開箱。影片中，她試食了茶記最出名的沙嗲牛肉麵、鮮奶球、西多士以及菠蘿包，再飲多杯熱奶茶。影片中全程普通話對食物進行評價，餐廳拍攝時仲打埋燈，睇落都好專業咁。

黑衣男問候：打佢老母XX咩！

不過正正因為谷婭溦在拍攝途中打燈的關係，疑似其光線照射到其他客人，一名黑衣男士亂入拍攝，並對住谷婭溦用粗口問候：「打佢老母XX咩！」，然後離開。之後亦有伙記行近谷婭溦身邊，並指：「麻煩你可唔可以熄咗佢（燈）？」，谷婭溦就嬲爆指：「熄咗佢啦熄咗佢啦」，之後又嬲爆對住伙記講：「你好好同我講冇問題嘅，但係你哋服務態度真係太差啦！」，續指「嗰個人鬧人喎！講粗口喎！」，然後伙記講了一句「唔好意思」就離開了。

谷婭溦不忿大鬧茶記伙記態度差

之後谷婭溦都感到不忿，在鏡頭前又用普通話講了句「態度很差」。之後出到茶餐廳，谷婭溦再提醒中國來港旅行的遊客，如果要食茶餐廳的話「請你們一定要保持好的心態，不然真的很容易發脾氣」，她補充指茶餐廳的伙記態度十分差，又認為可能這便是香港茶餐廳文化。

網民鬧爆：自己有問題！

不過谷婭溦的行為被港人鬧爆，認為其「打燈行為」確實太過Over，其燈光射到其他客人卻不認為自己有問題，反而是指責對方態度差。亦有網民鬧爆指：「OnX，畀幾十蚊食餐飯，當自己皇后」、「食個廉價下午茶都咁多廢話」。又認為谷婭溦在拍片前沒有問過餐廳的行為都相當惡劣。

即刻睇片！