譚詠麟讚姜濤「大方得體有風度」：有意帶MIRROR到聲夢！網友：你以為你真係校長咩
廣告
TVB日前舉行大型記者會，公布新節目《開心大綜藝》將於逢周日以直播形式舉行，當日記者會上鄧智堅扮「姜濤」，另外主持馮盈盈、麥美恩等人打鬧趕走「姜濤」，一眾炒絲即時上網鬧爆。而姜濤之後表示不介意，令譚詠麟也發帖大讚，即刻睇睇咩事！
撰文：Lmc｜圖片：姜濤＠IG、譚詠麟＠微博、TVB｜編輯：海月
人紅自然是非多，姜濤就成為近來炎上人物
姜濤大方回應：用輕鬆心態去看吧
《開心大綜藝》下月播出，在記者會一眾藝員落力宣傳《開心大綜藝》，其中鄧智堅突然「姜濤」上身，擺出姜濤招牌手勢chok住問：「係咪所有錫我嘅朋友都喺晒度？」然後唱出姜濤的《蒙著嘴說愛你》歌詞「so I say I love you」。 短片出街後，一眾粉絲鬧爆鄧智堅、馮盈盈、麥美恩等人。
之後姜濤大方回應，表示不介意：「沒覺得難受，也不覺得事件有不尊重成分。藝人表演都是為令大家開心，用輕鬆心態去看吧。相反，我很開心大家認識我。」經理人花姐表示有看過扮「姜蓉」的片段，她回應︰「藝人以諷刺形式搞笑是平常事，而姜濤粉絲愛惜偶像，但我只覺得是搞笑，大家不用緊張。」
譚詠麟發帖大讚：有機會帶MIRROR上去聲夢交流下
姜濤與花姐回應十分大方，連譚詠麟也發帖大讚，他提到：「少見的年輕一代藝人回答得那麼大方得體有氣量及風度，大事化小、小事化無，經理人花姐教得好，加油！有機會帶MIRROR上去聲夢交流下，大家良性切磋百花齊放重振昔日香港樂壇！」更貼出姜濤的報導，勁Follow新人。
網友鬧爆：使鬼你讚
雖然譚詠麟發帖大讚姜濤和MIRROR，但一眾網友也不BUY，更覺得譚詠麟是抽姜濤和MIRROR水，作為前輩也靠後輩充人氣。網友留言：「你以為你真係校長咩，使鬼你讚。」、「人哋仲乜要幫你搞旺個已死嘅場？」、「乖乖地去行山吧。」、「咪抽姜b水好喎，亞伯。」和「唔好污染人啦，你去乘風同張柏芝玩咪算囉。」留言9成全插譚詠麟。
