試當真游學修涉疑撞車遭Tesla車主起訴唔肯賠放YouTube公審網民竟反幫修哥

Q: 試當真NFT事件?

網民狠批《試當真》忘卻初心，大不如前，首先早前 《試當真》忽然宣布推出NFT產品 ，引起 大量網民負評 ，之後游學修就上 「混血肥仔」的節目回應時件 。

Mar 28 2022

《試當真》其中一位創辦人游學修最近紅翻整個YouTube界，搞Channel搞得有聲有色。可惜YouTube Channel就搞得掂，但自己嘅事，就好似處理得未如理想？上年因不小心駕駛而撞到一位Tesla車主，可事件一直未能獲得解決，拖至昨日車cam影片流出公審游學修，對方亦指要報警處理，搞到好大件事！不過唔知係咪《試當真》粉絲太多定點，網民竟一面倒幫撞到人嘅修哥？

撞花對門 Tesla車主要求賠償15萬

YouTube 2021排行榜第一位嘅《試當真》，喺YouTube界無人不知。最近仲出咗新片《Channel需要搬》，由細Office搬大Office，仲搬到100毛旁邊，拍片幽默指要向《100毛》「挑機」，成為網民熱討！而其中一位創辦人游學修，昨日突然出Story講述上年撞車一事，圖中係一張對話圖，指被撞的Tesla車主要求游學修賠償15萬，而游學修不明賠償金額，希望與對方談判，要求提供車cam，可惜遭對方拒絕，回覆：「唔洗啦，我搵咗警方開file」，仲喺YouTube《車CAM特警》擺咗條片，想公審游學修！游學修就喺story明言Tesla車主呢個行為，公開影片同埋佢的車牌係「實屬不必」。不過此片擺咗唔夠一日，就下咗架，唔少網民睇完片都指游學修撞到人就一定係唔啱嗰方，不過Tesla車主更加差！明顯見到修哥想入線，仲要夾硬向前衝，不理路障，先會引起車禍，仲指賠償金額簡直係獅子開大口！

網民偏幫游學修

網民意見大多都偏幫修哥，認為15萬真係太多：「原片車主雖然係差知道佢要入線都要搶位但游學修應該真係輸硬」「擺明持住人地出名㩒住黎搶，可惜對家唔落搭就擺人上枱，仲有佢太睇少試當真啲打手」「Hi到隻teslun 門15萬，獅子開大口都唔好咁離譜啦」「睇落咁輕力撞一下要15萬，下次比誠哥架車hi到係咪要1500萬」「乜嘢唔肯賠錢，唔通任你開150萬都要賠」