《蝸居宅急變》男戶主現身撐老婆:我作為老公滿足老婆少少心願有咩問題?

流行娛樂

廣告

最近TVB《蝸居宅急變》個節目熱爆全城,不過並不是個節目好好睇,而係鬧爆果個爆,而小編在上星期五亦有分享過一集講有個老婆搵主持人Queenie重新打造了一間「烈焰紅唇粉紅博物館」,男戶主返到屋企O晒咀一幕令不少網民紛紛討論,男戶主上星期六終現身出文撐老婆!

撰文:素岐@Central、對白Cap圖王|圖片:mytvsuper.com︱編輯:素岐@Central

峰迴路轉!屋主放閃!

滿足老婆少少心願「有咩問題?」

睇完個節目,人人都話佢老婆係港女,老公今晚終於忍唔住要爆啦!

節目播出後兩天嘅晚上,屋主決定喺佢自己經常出沒嘅Facebook Group「今日一入玩具報價區」開post回應,力撐老婆唔係死港女,又話老婆一路都好尊重佢嘅興趣,屋企ps4,VR同好多模型都係老婆買黎送俾佢!仲話:「試問一個肯送呢d貴重玩具比另一半既女人點會係你地口中既人?老婆既然尊重我既興趣,我作為老公都滿足下老婆少少心願係裝修度整得粉紅少少有咩問題?」

屋主保護愛妻 對TVB頗有微言

不過老公對TVB亦頗有微言:「同埋我想講我老婆係鐘意淡粉紅而唔係桃紅囉佢地根本買錯哂顏色…」,根本成件事就係《蝸居宅急變》編審岑應同Queenie搞出黎,如果唔係佢老婆明明唔係鍾意桃紅,又點會應承你將間屋搞到一樓一咁呀?看來男戶主相當激動!

最後男戶主講出咗玩具雖重要,但家人更加重要嘅觀點!「其實玩具都係身外之物,唔好聽講句大家走左玩具可能只係陪葬品,愛你珍惜你既人先係生命中最重要的,今次呢件事上面大家咁重視我個櫃去左邊而去傷害我重要既人,你地有無諗過我其實重視玩具定係家人多d?你地中傷我家人即係對我唔尊重,希望大家尊重小弟尊重我愛既人,亦都尊重自己~」

巴打狂讚「真男人」 戶主聲明全文

全文如下:

[文長慎入]見大家咁關心我個櫃,我就係度同各位師兄報平安先!我個櫃連入面既玩具以至於雜物房入面既收藏全部原封不動無郁過,本身我無諗住出聲,但實在太多未審先判既師兄們不斷出post或留言中傷我最愛既人,所以我不得不出此post證明我老婆並非你地心目中既人!

我想講佢一路好尊重我既興趣,家中既ps4, VR, 櫃入面既大贊卡,未砌好得副骨既pg 豪版exia, 仲係房未砌既pg unicorn全部都係我老婆送比我氹我開心的,識我既人都知我每次收到呢d禮物都會放上fb放閃絕無虛假,試問一個肯送呢d貴重玩具比另一半既女人點會係你地口中既人?老婆既然尊重我既興趣,我作為老公都滿足下老婆少少心願係裝修度整得粉紅少少有咩問題?我相信明事理既師兄們會理解的!

同埋我想講我老婆係鐘意淡粉紅而唔係桃紅囉!佢地根本買錯哂顏色…

係度有感而發想講多少少耶穌,各位師兄未必每個都有家室或者有另一半,但大家應該都有自己重視既人,其實玩具都係身外之物,唔好聽講句大家走左玩具可能只係陪葬品,愛你珍惜你既人先係生命中最重要的,今次呢件事上面大家咁重視我個櫃去左邊而去傷害我重要既人,你地有無諗過我其實重視玩具定係家人多d?

你地中傷我家人即係對我唔尊重,希望大家尊重小弟尊重我愛既人,亦都尊重自己~

p.s. 借post分享下大家擔心既玻璃櫃過往海關送比我既禮物。望呢個post可以終結各位既疑慮同連日黎對我老婆既中傷,謝謝!

網民回應:

設計師 Queenie 陳莉敏普通話回應:「大家不要雞蛋裡面挑石頭」

至於遭不少巴打矛頭直指嘅節目主持「QQ」陳莉敏,原來在節目播放完畢都有拍片回應!

佢表示今次節目係全心全力去做,拍攝時間好短又緊迫,所有嘢都係佢落手落腳去做:「一個單位只有兩次拍攝機會,一次係未整、第二次拍就要落手……」

 

喺自拍短片入面,Queenie素顏剖白整個拍攝過程都係由自己主導,並無假手於人:「腰衰背痛,咬實牙關、問心無愧」,佢仲話自己其實有潔癖,要面對唔同家居環境真係好唔容易,講到尾仲希望大家唔好咁負面去睇件事,講講下仲爆咗句大陸話:「大家不要雞蛋裡面挑石頭」…..

識睇一定重溫返《蝸居宅急變》第4集重點CAP圖!

今次TVB個岑應又做埋晒啲假到核爆嘅節目《蝸居宅急變》,仲搵黎整容達人Queenie,sor。。。人地而家自稱家居變裝達人!係,達人嘅嘢我地真係識條鐵,你話係就係架啦!不過唔少連登巴打都已經睇穿佢地攏嘢:成班戲子,玩示範單位!

今集呢間屋,本來都已經有唔少粉紅色元素,但係條港女屋主就覺得唔夠,話要整一間「烈焰紅唇粉紅博物館」館~館~館~

就岩睇,屋主都好似正正常常,但係最後出咗黎間屋就真係唔多正常!

黎到呢一幕,同大家玩個遊戲先,大家留意下張圖,睇下之後有咩唔同咗!

 

虧個Queenie仲講得出口,話唔知阿老公見到會唔會有咩反應。。。

係咪好期待老公返黎係咩反應呢?

個老公一入門口見到間房變成咁樣,真係O L晒咀!

阿Wing見到老公即刻港女上身,使出「嗲功」,仲出黎港女絕招「叠~字~」

之後就係戲肉,個老公黑晒口面,又暗串Queenie教壞自己老婆!

阿Wing見勢色唔對,出動「我為你著想」、「連打機都幫你諗埋」等招數!不過最慘嘅係老公到而家都唔知俾老婆丟咗一樣好重要嘅嘢!

俾多張前後對比圖再做多一次photo hunter!結果簡直係男人嘅惡夢!

開估啦,原來老婆丟咗嘅係。。。

係,係玩具櫃呀!原來個老婆做咁多嘢就係為咗丟老公個玩具櫃,巴打不禁講返句:海關可恥!

不過有巴打突破盲腸,留意到阿Wing丟咗老公個玩具櫃!唔怪之得個老公一返黎,阿老婆就講打機黎轉移視線XDXD

全部都係港女最喜愛嘅「粉系」、「紫色」同「花花」,男人睇見都想。。講多謝晒!

唔少網民話Queenie係「掛鹿頭,賣西肉」!

而這節目的參與者,有不少都對這些所謂的達人頗有微言,認為他們所稱的「斷捨離」只是徒有其名,實際上就是憑他們自己的直覺將別人家中的物件拋棄。

圖為第三集的參加者 Jencil
圖為第二集的參加者 Helen

其他巴絲打回應:

「佢老公EQ算高 如果係我實屌到果2條八婆反艇」

「粉紅都唔一定下下shocking pink嘅啫…粉紅都可以好有格調,鮮黃草綠都可以好靚,只要有sense.」

「住係裡面會發癲」

「呢個on 9節目係咁叫人掉垃圾,然後又不斷放返d新垃圾入屋」

「 我身為女人我都頂唔順成屋都是pink…」

就連網上討論區的網民亦對他們的做法,有著相當負面的看法,但係小編就相當期待主持人下一次的精心設計啦!