「蝦頭」楊詩敏倒戈TVB!加盟ViuTV拍火火教演技!網民大讚:離巢明智!

流行娛樂

廣告

「蝦頭」楊詩敏早前3月離開TVB回復自由身,日前終於有新動向!不但加盟ViuTV、更會拍住火火主持新節目《生存演技派》,節目將於下周一(7月5日)起逢星期一至五播出!今次演技超班嘅蝦頭倒戈TVB,唔少網民大讚做得好!

撰文:東方新地│圖片:楊詩敏IG、新傳媒圖片、無綫影片截圖、ViuTV影片截圖│編輯:20│原文刊於:東方新地

蝦頭教人用演技 化解生活難題

蝦頭楊詩敏3月離開無綫時,好多觀眾都唔捨得佢,事隔4個月,蝦頭宣布為ViuTV主持新節目《生存演技派》,孖住另一好戲之人火火,教人將演技融入現實生活中,例如新抱同奶奶相處要交戲、在阿媽面前做孝子要交戲、男友想在女友面前求生都要交戲!

蝦頭
蝦頭拍住火火,於7月5日起星期一至五晚 11:00主持ViuTV的新節目《生存演技派》。(圖片來源:ViuTV影片截圖)
蝦頭
為咗解決生活中的溝通問題,ViuTV請來非常有演出經驗的火火同蝦頭,教觀眾將演技提升,生活都可以過得舒服啲!(圖片來源:ViuTV影片截圖)

蝦頭辭演《嫌疑事件簿》

其實蝦頭撐ViuTV有跡可尋,她與張建聲早前在電影《神經大俠》扮演夫婦,接受訪問曾自爆因為忙於為7月公演的音樂劇綵排,所以推掉了ViuTV綜藝節目《嫌疑事件簿》,錯失跟阿聲合作的機會,仲話希望節目開拍第2季,到時她必自薦參演。

蝦頭
火火與蝦頭在節目中要化解一單婆媳糾紛。(圖片來源:ViuTV影片截圖)
另一單母子關係決裂個案,在火火與蝦頭面前對質。(圖片來源:ViuTV影片截圖)
另一單母子關係決裂個案,在火火與蝦頭面前對質。(圖片來源:ViuTV影片截圖)

蝦頭撐ViuTV棄小方

ViuTV的《嫌疑事件簿》與方力申有份演出的無綫節目《死因有可疑》類型非常相似,兩台互撼,引來觀眾比較。蝦頭就表示兩個節目都會翻睇,不過都係優先捧張建聲場,她笑言:「阿聲係我老公,當然撐佢,小方只係做過我男友,仲要喺戲中飛起我,所以我唔睇佢。」

蝦頭
蝦頭要為7月公演的音樂劇《路比和嫲嫲的鐵路5號》演出,所以辭演ViuTV的《嫌疑事件簿》。(圖片來源:蝦頭IG)
蝦頭非常渴望能與張建聲在ViuTV有合作。(圖片來源:蝦頭IG)
蝦頭非常渴望能與張建聲在ViuTV有合作。(圖片來源:蝦頭IG)

網民大讚離巢倒戈好明智

雖然蝦頭曾指自己與新上任的無綫副總經理曾志偉關係良好,不排除未來與無綫再有合作機會,不過佢把口同身體都好誠實。網民知道蝦頭為ViuTV主持新節目亦非常期待,不少人大讚她的選擇非常正確。

蝦頭離開無綫不愁出路,演得又唱得的她定時與黃建東開LIVE演唱,非常受歡迎。(圖片來源:蝦頭IG)
蝦頭離開無綫不愁出路,演得又唱得的她定時與黃建東開LIVE演唱,非常受歡迎。(圖片來源:蝦頭IG)
蝦頭楊詩敏倒戈無綫加盟ViuTV 拍住火火教演技 網民大讚離巢明智
(圖片來源:ViuTV Facebook)
蝦頭楊詩敏倒戈無綫加盟ViuTV 拍住火火教演技 網民大讚離巢明智
(圖片來源:ViuTV Facebook)
網民都非常期待蝦頭在ViuTV的新節目。(圖片來源:ViuTV fb截圖)
網民都非常期待蝦頭在ViuTV的新節目。(圖片來源:ViuTV fb截圖)

蝦頭告別作大膽演出受關注

45歲蝦頭楊詩敏今年3月宣佈離巢無綫,結束八年賓主關係,《愛美麗狂想曲》成為其告別作,蝦頭曾表示想專注發展音樂事業。蝦頭的搞笑形象深得觀眾心,每次拍劇大膽演出都備受關注,所以離巢令不少觀眾感到可惜。

蝦頭新劇《愛美麗狂想曲》開播。(圖片來源:TVB)
蝦頭有份主演的《愛美麗狂想曲》於今年播出。(圖片來源:TVB影片截圖)
蝦頭角色背景為一名戀愛狂女強人。(圖片來源:TVB)
蝦頭角色背景為一名戀愛狂女強人。(圖片來源:TVB)

蝦頭極罕三點式阿Bob喪望

搞笑形象深入民心的蝦頭,其實亦有性感一面!2018年蝦頭拍攝無綫節目《大玩特玩》時,向來密實嘅佢罕有地以紅色三點式上陣,谷爆事業線,成功搶鏡之餘,仲將又後生又好身材嘅陳嘉恒、劉佩玥、歐陽巧、瑩黃美棋、朱智賢等女嘉賓比下去……在大合照上,蝦頭居然拉開潛水衣拉鍊,露出紅色三點式,深藏不露咪呢啲囉!物以罕為貴,蝦頭咁樣露兩手,網民高度關注,個個對眼變咗把尺,話目測至少有「D」……

蝦頭平時相當密實,以紅色比堅尼上陣,大家至知佢好有事業心,阿Bob對眼望咗去邊?(圖片來源:蝦頭 Instagram)
蝦頭平時相當密實,以紅色比堅尼上陣,大家至知佢好有事業心,阿Bob對眼望咗去邊?(圖片來源:蝦頭 Instagram)

晒完胸再晒腿

晒完胸,蝦頭再益街坊,同林秀怡紮孖辮晒長腿,蝦頭笑話:「孖辮長腿係適合我㗎,我同秀怡會組隊好蝦秀,進軍韓國市場,係咪有得做先?」點解睇落蝦頭好似高咗幾吋?

蝦頭真係瘦咗好多,名副其實有前有後!(圖片來源:蝦頭 Instagram)
蝦頭將美女圖做手腳,令自己瘦咗好多(左一),名副其實有前有後!(圖片來源:蝦頭 Instagram)
節目每集都有索女大玩水上遊戲。(圖片來源:Bob Instagram)
節目每集都有索女大玩水上遊戲。(圖片來源:Bob Instagram)

邵子風 2018年宣布同蝦頭分手

網友大讚楊詩敏(蝦頭)身材噴血!仲話佢前度邵子風走寶!蝦頭同經理人邵子風自2015年起拍拖, 人前人後一直相當恩愛。但2018年4月初邵子風突然在網上宣布「分」訊,稱兩人其實早在2017年6月已經分手,強調分手不涉及第三者;另外邵子風又感激蝦頭,指對方喺分手打後的十個月,依然「假裝」女友如常出席親友聚會。

 蝦頭
邵子風又非常感激蝦頭,指對方給予受抑鬱症困擾的自己無限支持,邵子風更揚言如果人生中唔係遇上蝦頭,可能已經自殺了!(圖片來源:邵子風 Facebook)

邵子風「分」訊全文如下:

愛美麗狂想曲|45歲楊詩敏離巢無綫 蝦頭搞笑形象深入觀眾心
(圖片來源:邵子風facebook)
愛美麗狂想曲|45歲楊詩敏離巢無綫 蝦頭搞笑形象深入觀眾心
(圖片來源:邵子風facebook)

邵子風嘟嘴索吻

雖然生得矮又其貌不揚,但恃住吹得幾嘴,邵子風即使有正印女友蝦頭,仍經常口花花撩女仔。就在他宣布分手前,本刊曾斷正佢同貌似蝦頭的肉肉女視像,當日傍晚時分,邵子風一個人揸車出動,去九龍城街市買火鍋材料,見他買餸期間亦忙於睇手機,還以為他同女友蝦頭聯絡,誰知急急腳返上車廂的邵子風,開埋視像媾女對話,睇真啲,原來視像對象,並唔係女友蝦頭,是皮膚白滑的年輕肉肉女,見佢陶醉到不停嘟晒嘴向女方索吻,互相挑逗了差不多十分鐘。同一時間,蝦頭當時跟翟威廉丶周志文等又彈又唱,直播「Happy Live」當中。

邵子風
邵子風單拖駕車到九龍城買火鍋配料,不過,買買吓嘢突然返上車廂,同一貌似女友蝦頭的肉肉女視像,傾傾吓邵子風仲冧爆嘟嘴向女方索吻,挑逗女方。(圖片來源:新傳媒資料庫)
邵子風
邵子風在車廂開視像媾女,同女方隔住個mon都可以肉緊啜爆,果然係冧女高手。(圖片來源:新傳媒資料庫)
邵子風
邵子風啜爆挑逗肉肉女,女方更被冧到一度閉上眼,同邵子風一齊嘟嘴,二人關係好不尋常。(圖片來源:新傳媒資料庫)
邵子風
(圖片來源:新傳媒資料庫)
邵子風
(圖片來源:新傳媒資料庫)

蝦頭被問到邵子風啜女一事,睇相仍扮鎮定幫男友苦撐:「佢講嘢嘟嘴啫!我有時講嘢都嘟嘴啦!」但其實佢當時已同邵子風分手多時,只是她仍一直幫前度男友扮女朋友,真是傻女!

服侍周到

現年45歲的蝦頭,15年被爆撻著經理人邵子風,二人極速在西貢同居,當時就有指蝦頭撬好姊妹,同是邵子風旗下的龍小菌牆腳,不過,即使邵子風曾同龍小菌拖手行街被斷正,當時邵仍否認同過小菌拍拖,只承認對方是好朋友同工作夥伴,蝦頭為撐男友閃爆認愛,又指同龍小菌是好朋友,最終龍小菌輸家離場。

邵子風
邵子風喺街市買餸仲掛住傳短訊冧女,似乎當時已經同肉肉女短訊緊。之後索性上車開視像談情。(圖片來源:新傳媒資料庫)
邵子風
視像啜爆之後,邵子風即急急腳趕去買火鍋配料,連去幾個檔買齊配料,即駕車趕下場。(圖片來源:新傳媒資料庫)
邵子風
(圖片來源:新傳媒資料庫)

躁鬱症拖婚

可惜,明知女友已屆45歲高齡的邵子風仍未肯定落嚟畀名份蝦頭,之前佢被問到幾時娶女友過門,更以有躁鬱症做藉口,話「唔知自己擺得幾耐!」一味拖婚。

蝦頭 邵子風
蝦頭在葵涌大會堂為舞台劇綵排,至傍晚6時多,同大班演員到附近茶餐廳醫肚。(圖片來源:新傳媒資料庫)
蝦頭 邵子風
蝦頭長期劇接劇,曾趕拍新劇《包青天再起風雲》,另一邊又要為舞台劇綵排, 難怪忙到連男友邵子風背住自己做乜都唔知。(圖片來源:新傳媒資料庫)

其實在斷正啜女前,邵子風已多次被拍到單拖約女,同前度龍小菌亦經常以工作為由唔避忌單獨約會,每次邵子風都氹得女方好開心。據知情者透露:「我哋都知阿Dean同小菌一齊過,不過嗰時小菌事業啱啱起步,佢哋拍得好低調,後尾蝦頭簽咗畀Dean,兩個仲情侶檔演出好快就撻著咗,嗰時小菌知道但好似畀人灌迷湯一樣。阿Dean好識冧女,亦從來冇放棄過個森林,畀佢睇中嘅女仔都係唔好彩啦!」

蝦頭 邵子風
蝦頭同邵子風經常情侶檔做舞台劇,為氹男友,蝦頭年前就刻意節食兼做運動減肥,成功在三個月內減走35磅肉,由肥妹變索女,用心良苦!(圖片來源:新傳媒資料庫)