飛黃騰達｜蘇雅琳與波仔Boris演30集長劇惹爭議呢位鏡仔先有資格做男一﹗

Mar 15 2023

COLLAR成員蘇雅琳Ivy So在ViuTV劇《飛黃騰達》擔演女一，而男主角是YouTuber波仔Boris，網民對首次拍劇便做男一，兼能與「顏值擔當」Ivy So演情侶，有很大反應，更起哄質問為何無MIRROR成員份，更指一位鏡仔最有資格擔得起這角色，與Ivy So演情侶。

蘇雅琳 21歲的蘇雅琳，IG追蹤人數近30萬，在COLLAR中人氣高企。 — 21歲的蘇雅琳，IG追蹤人數近30萬，在COLLAR中人氣高企。（圖片來源：IG＠ivyysooo）

波仔Boris被網民嘲似鄧兆尊

蘇雅琳Ivy So昨日為ViuTV新劇《飛黃騰達》開鏡拜神，與Boris在劇中演一對情侶，親熱戲少不免，問Boris可有擔心成為粉絲公敵，佢笑言暫時安全，透露是大家可接受的程度，而Ivy So亦插嘴表示尺度很健康，以安撫粉絲們！不過網民對Ivy So配Boris很反感！

蘇雅琳網民嘲波仔Boris似鄧兆尊，斥他與蘇雅琳不合襯。 — 網民嘲波仔Boris似鄧兆尊，斥他與蘇雅琳不合襯。（圖片來源：Viu 1娛樂新聞截圖）

蘇雅琳強調與波仔親熱戲「健康尺度」

Boris做男主角惹來熱議，而他亦直認連阿媽都唔相信他能當男主角，而一眾男性朋友更表示大為妒忌，紛紛要求探班，無非想見Ivy So一面。Boris接受Viu 1娛樂新聞訪問時，對Ivy So大笠高帽，大讚第二次拍劇的Ivy So大方向他提供「拍劇教學」：「佢教我點睇劇本，有乜要注要，真係好好，好多謝佢，因為真係乜都唔識！」演少年股神的Boris坦言無任何投資經驗，加上對白長又多，他感到很吃力，直認遇到對手爆肚時完全接不上，自封NG王。

蘇雅琳蘇雅琳接受Viu 1娛樂新聞訪問時，直言細細個就睇波仔啲片。 — 蘇雅琳接受Viu 1娛樂新聞訪問時，直言細細個就睇波仔啲片。（圖片來源：Viu 1娛樂新聞截圖）

肥腸都好過波仔

網民直指Boris高攀Ivy So，狠批他未夠料，「男一個門檻幾時變得咁低？」、「30集長劇竟然搵個無演過劇嘅做男主角？唔好拖累我哋蘇雅琳呀」、「配角肥腸都好過佢」、「係咪負責劇組飯盒出波仔飯咋佢？」、「我以為鄧兆尊」、「係咪演傻仔先搵佢」、「係咪佢阿媽課金先接到呢套劇？」、「拍拍下戲假情真點筫？」、「佢個嘴歪點同蘇雅琳拍嘴戲？嗚～」等等。

蘇雅琳網民指任何一個男配都好過波仔Boris左一） — 網民指任何一個男配都好過波仔Boris（左一）（圖片來源：Viu 1娛樂新聞截圖）

蘇雅琳劇中還有Alice、Sica、Win Win，網民指肥腸都好過波仔Boris！ — 劇中還有Alice、Sica、Win Win，網民指肥腸都好過波仔Boris！（圖片來源：Viu 1娛樂新聞截圖）

網民推舉王智德Alton才是最佳男主角人選

蘇雅琳是COLLAR當中繼Marf後做女一，加上是隊中「顏值擔當」，不少網民質疑為何ViuTV的三十集長劇，竟然無預MIRROR，反而搵沒有拍劇情經驗、樣子又不討好的Boris。有不少網民更推舉王智德Alton做男主角，大讚他配Ivy So相襯，「個髮型都差唔多啫，點解唔搵王勁？」、「王勁拍過唔少劇，次次唔同種類都handle到」、「Alton次次做男配，點解今次唔畀佢做男一？」、「搵ivyso做女主角，應該係要搵個有演戲經驗，演技不俗去lead住佢，師兄王勁最合適」、「MIRROR個個出去拍戲，呢個男一機會應該預比Alton啦。」