15位TVB藝人轉行發展成功例子 離開無綫有出路!林芊妤教Yoga超好賺!

流行娛樂

廣告

個個做明星,唔通個個都想做明星咩?娛樂圈走紅講求天時地利人和,日夜顛倒、性格決定星運更唔係人人都適合,有人為生計、有人為追夢,唔少TVB藝人明星中途出家放棄演藝工作轉行,其實如魚得水發展仲好過做明星!

撰文、圖片:東方新地丨原文刊於:東方新地丨編輯:白子

15位TVB藝人轉行發展成功例子

麥明詩 商業顧問

十優女狀元、劍橋法律系畢業,其實麥明詩第一日選港姐簽約電視台,已經早被外間認定非池中物,果然去年底缺席台慶後即公布淡出娛樂圈,現時為麥肯錫公司香港辦事處商業顧問。

林芊妤,鍾麗淇,麥明詩

林芊妤瑜伽導師

14年6月林芊妤被拍到與富二代林知譽在殘廁gathering,一夜之間聲名大噪,亦因此被廣泛報導教瑜伽原來收入豐厚過拍電視。其後Coffee索性離開電視台,成為全職瑜伽導師兼YouTuber,其YouTube頻道點擊過百萬。

林芊妤,鍾麗淇,麥明詩

徐子珊珠寶設計

04年港姐冠軍、亦曾經係備受力捧當家花旦,徐子珊15年開始淡出幕前修讀專業設計及彩色寶石專業課程,然後創立自家設計珠寶品牌Katetsui。邊賣首飾,子珊邊攻讀港大心理學碩士課程,並已赴歐攻讀心理學博士,隨時再轉行做心理醫生。

林芊妤,鍾麗淇,麥明詩

譚小環賣魚蛋

93年港姐冠軍譚小 環12年 離開無綫,首先寓工作於興趣,在銅鑼灣開設手工藝樓上舖,14年再染指飲食界與另一半合作開始小食店賣魚蛋、燒賣,之後分店愈開愈多,年初首間茶餐廳亦正式開幕。

林芊妤,鍾麗淇,麥明詩

鄧一君賣保險

拍教育電視做童星出身,亦都做過大電影《記得……香蕉成熟時》系列男主角,香蕉仔鄧一君自言性格內向怕應酬不適合做娛樂圈,05年退出轉行投身保險業當理財顧問,話咁快已經晉升為分行經理同高級財務策劃師。

藝人離開無綫有出路!15位轉行發展好過做明星成功例子

黎美言教拳兼演藝培訓

Hotcha成員之一Winkie(黎美言)轉行轉得頭也不回,15年與唱片公司約滿即時唔見人,原來去咗讀企業課程讀足三年,然後全副身家投入拳擊學校及演藝培訓學校生意,由零開始到漸有聲色,更吸引外國投資者斟合作。

林芊妤,鍾麗淇,麥明詩

鍾麗淇瑜伽導師

剛剛重播完的03年經典劇《天涯俠醫》,其實正巧係鍾麗淇醉心瑜伽的契機,當年飽受情傷、一度灰心認為將會孤獨終老,身在非洲拍攝外景時用休息時間苦練瑜伽。拍完劇正好約滿,鍾麗淇亦索性放下演藝事業,投身瑜伽教學。

林芊妤,鍾麗淇,麥明詩

張玉珊上市公司主席

93由藝人轉型變女強人,張玉珊稱得上係其中最成功亦最令人意想不到嘅一個。意想不到在於個人嬌滴滴毫無殺傷力,15歲入行25歲淡出,卻搖身一變成減肥天后,創辦修身堂控股有限公司,公司03年上市,更因為年僅29歲成為香港最年輕上市公司主席。

藝人離開無綫有出路!15位轉行發展好過做明星成功例子

陳妙瑛美容院CEO

93年選港姐入行,迅速彈起成為當家花旦之一,陳妙瑛做戲大把代表作,改行做生意一樣頭腦精明順風順水,創立健康國際有限公司做埋行政總裁,身家早已經億億聲。

林芊妤,鍾麗淇,麥明詩

伍偉樂揸巴士

當年十八歲仔加入亞視、高大靚仔仲有幾分似霆鋒,有亞視霆鋒之稱嘅伍偉樂浮浮沉沉多年最近又成為傳媒焦點。原來結咗婚、仲生咗四個仔女,為 頭家終於放棄演藝夢,加入巴士公司成全職巴士車長。

藝人離開無綫有出路!15位轉行發展好過做明星成功例子

蕭潤邦賣生煎包

Model出身、曾經係組合Bliss成員一分子,蕭潤邦因為食過上海正宗生煎包,大感驚為天人又怕第時食唔番,索性拜師學藝。經過兩三年學習磨練,回港轉行開店賣包,現時港九新界都有分店,早被譽為生煎包王子,老婆江若琳更不時落舖頭幫手做生招牌。

林芊妤,鍾麗淇,麥明詩

周嘉玲賣童裝

91年港姐亞軍周嘉玲,當年最擅長飾演風情萬種嘅性感尤物,最為人熟悉亦最為人咬牙切齒嘅角色,之唔係經典劇《再見亦是老婆》嘅小三囉!03年周嘉玲淡出娛圈,加入連卡佛做市場策劃總監,做咗十年成為首席助理行政總裁竟又毅然離開,轉型開童裝店做老闆自己話事。

林芊妤,鍾麗淇,麥明詩

蔡子健賣保險

讀藝訓班入行,做《閃電傳真機》而為人熟悉,06年蔡子健完成國際商業工商管理學士課程,其後再完成埋工商管理碩士課程,家陣係特許財務策劃師,亦搖身一變金融才俊不時擔任財經節目主持。

林芊妤,鍾麗淇,麥明詩

黃翊開大牌檔

曾經係八十年代香港樂壇偶像歌手,九十年代人氣下滑歌酬急降,黃翊把心一橫轉行,試過喺黃金海岸賣自家製T恤,最高生意額一個月逾十萬。06年夥拍三家姐開大牌檔仲搞到有聲有色,去年再加碼開多家茶餐廳。

藝人離開無綫有出路!15位轉行發展好過做明星成功例子

黃寶欣賣撻

當年黃翊人氣下滑,都係因為犯咗偶像大忌同女歌手黃寶欣拍拖。唱片公司棒打鴛鴦後,黃寶欣加入過亞視、賣過保險、亦搞過美容,不過最成功
反而係17年離婚後開舖賣蛋撻,一度係九龍城打卡熱點。

林芊妤,鍾麗淇,麥明詩

麥明詩大解放出席品牌活動失手著錯衫?

10A港姐麥明詩經常被指夠貼地,而甚得民心,日前她獲邀出席活動,席上歎美食貴酒,出席嘉賓還有陳凱琳、「微辣」多姐、蔣怡、馬天佑等,大家均以橙、紅色dress code主題現身。麥明詩穿上低胸吊帶裙花裙現身,大晒事業線,十分搶鏡,卻被網民批評她高級餐廳宣揚香港情懷、向茶記致敬,不太適合…詳情請看

麥明詩中門大開派福利?

轉行做商業顧問的「十優港姐」麥明詩(Lousia),轉職後都有些時候會拍廣告同公開出席活動,日前佢就出席一個發布會時大派福利,中門大開任睇南半球,網民睇到眼都突埋…詳情請看;麥明詩早前更被KOL Muddy Water 渾水於社交平台爆出極罕J圖,白色外套下深V細肩帶,激罕盡騷半球…詳情請看