蔣家旻暗媾富三代仁濟總理 溝極溝唔到轉移目標
廣告
蔣家旻去年跟排舞師麥秋生跳舞跳出愛火，不過這位蔡思貝前度出名是無腳雀仔，即使被斷正夜會蔣家旻一齊返屋企都拒絕認愛。男友唔肯證名份，已31歲的蔣家旻亦不會坐以待斃，自今年中認識29歲的富三代仁濟總理鍾培生，她即鎖定目標主動出擊，早前男方包場睇日本動畫《鬼滅之刃》，蔣家旻黐實睇戲儼如女主人。鍾培生喜與女藝人打交道，擇偶要求亦高，蔣家旻要做豪門少奶真係唔易囉！
撰文：東方新地 ｜ 圖：東方新地｜ 編輯：K.P（原文刊於：東方新地）
蔣家旻排舞師男友唔認愛
蔣家旻入行十七年，在無綫拍過逾五十套劇，除了早年的《愛‧回家》馬子妮一角入晒屋，今年在《反黑路人甲》中飾演的黑幫女頭目水姐亦令人留下深刻印象。去年中，蔣家旻透過學舞結識排舞師麥秋成，好快已打得火熱，教舞成為媾女撒手鐧的麥秋成，不足三個月已將細十年的蔣家旻馴服得貼貼服服，不過男方從未肯放棄整個森林，以事業為由𠱁掂蔣家旻密冚戀情。
鎖定富三代主動出擊尋幸福
男友拒認愛，蔣家旻當然不是味兒，她與朱千雪、岑杏賢、張嘉兒、湯洛雯份屬好姊妹，近年好姊妹先後嫁人，只有蔣家旻與湯洛雯單身，靚湯已有馬明認頭，蔣家旻亦騎牛搵馬，知情者透露：「眼見身邊好姊妹個個嫁得好，Angel（蔣家旻）得個恨字，麥秋成對佢係咪認真有冇結果，Angel自己心裡有數，佢知道幸福要自己爭取，亦講明遇到第二個好嘅就會跳船。
早前 Angel識咗仁濟總理 Derek（鍾培生），知道佢係富三代家住淺水灣獨立屋已經心心眼啦！Angel話自己個 IG俾人 hack咗，主動搵 Derek幫手，不過 Derek就一頭霧水，唔明點解 Angel要搵佢，可能佢以為係男人都係兵啩！知道 Derek包戲院睇戲，佢又話好鍾意套戲，叫 Derek預埋佢，去到現場仲扮晒女主人招呼朋友，姣仔姣到出晒面！」據知喜歡交朋結友的鍾培生，與圈中不少花旦姐仔都有往來，蔣家旻絕對不是她的心儀目標，神女有心，襄王無夢，蔣家旻唔使再浪費彈藥。
