蔡瀾的日記︳大讚蘇施黃係「大家閨秀」引爭議
廣告
香港著名食評家、香港四大才子之一嘅蔡瀾，不時於facebook撰寫「蔡瀾的日記」紀錄生活趣聞。早前於批評現時香港大熱嘅Omakase料理「當所有客人是笨蛋」，此番言論引嚟唔少的爭議性，專欄作家周顯都曾因此撰文攻擊蔡瀾！近日「蔡瀾的日記」點名蘇施黃，仲喺文中大讚係「大家閨秀」，又引發網民熱議！
蔡瀾大談初見蘇絲黃時：請咗樂隊唱粵曲
23日「蔡瀾的日記」中講到蔡瀾去一個好友家打完麻雀，遇到蘇絲黃嚟接金燕玲，2人講起往事。蔡瀾指第一次見蘇絲黃時，是於蘇絲黃的跑馬地鳳輝臺的家，當時蘇絲黃的家人請咗樂隊練唱緊粵曲，有打鼓、打鑼、橫笛、直笛、拉二胡、仲有花旦演唱，雖然唔係當紅，但都頗有名氣，而且拉二胡師傅唔止伴奏，仲會教人唱曲，蔡瀾形容當時情景「多麽優雅的一個年代」。蔡瀾指出相比現今唱卡拉OK，就算俾幾多錢學費，都只係對住一堆音響，仲寸有啲教唱歌的老師「不教學生由練習丹田開始，故吸一口氣唱一句，聽起來也像癆病鬼了。唉。」
大讚蘇絲黃係大家閨秀 引爭議
不過最引爭議性，就係蔡瀾於文中提到，佢後來就再無機會再到蘇絲黃，指蘇絲黃留俾佢的印象，同睇電視嗰時好唔同，大讚係「的的確確的大家閨秀」！唔少網民即留言「大家閨秀的簡單定義是？」「電視上太古靈精怪，突然話大家閨秀，一時轉不過來。是名門望族之女子。蔡先生見到大家沒見到的一面。」「睇到蔡先生寫蘇姐係「大家閨秀」果度，我忍唔住笑出」「有啲難以想像」不過有網民都認同蔡瀾的講法，指蘇絲黃的母親本身係校長，兄長係保華建業集團副主席劉高原，叔父係劉天賜，家族來頭不少。而且網民更指出蘇絲黃後生飾演《線人》時都有女性化的一面，所以可能蔡瀾見到的蘇絲黃係大家未見過的一面。
圖片來源：youtube＠教煮蘇 This is So good、《線人》截圖、fb＠蔡瀾、ig＠ah_so_good、
