蔡瀾的日記︳蔡瀾再爆seed力批教煮餸YouTuber似做show！
教煮餸YouTuber似做show
蔡瀾今次於「蔡瀾的日記」中，文章首句就力批教煮餸YouTuber，睇完覺得無咩好學「Youtube中經常出現大廚教煮菜的節目，看了覺得沒什麼好學」蔡瀾指自己的廚藝係絕對比唔上佢哋，不過勝於「簡單」2字，如果唔係不如去餐廳食仲好啦「勝的是越簡單越好，不然到餐廳去更妙」呢段說話原來暗寸教煮餸的YouTuber，煮一碟餸煮到好似做show咁！
以煮鯧魚為例：可憐的一尾小鯧
蔡瀾以煮鯧魚為例，描述教煮鯧魚的情形，指啲廚師只不過煮條小鯧魚，就係咁磨大刀「大刀在鐵條上磨了又磨，原來要切一條又小又薄的鯧魚」然後先𠝹幾刀切幾下，再將姜切成長方形，蒜頭拍碎切成茸，豆瓣醬都用刀嚟切，整生油變熟油，整個過程不斷強調「備用」，最後爆好所有配料，再加白飯同大量太白粉令醬汁變濃先上碟。蔡瀾指睇完整個烹飪，真係可憐呢條「又小又薄的鯧魚」，經過咁多過程的折騰，其實咩味都無晒，仲要上電視，睇嚟蔡瀾唔止批評煮餸YouTuber，更寸埋電視上教煮餸的節目。
疑暗寸美食作家王剛
唔少網民睇完都認為蔡瀾呢個評論係暗寸緊一啲內地教煮餸的YouTuber，特別係youtube「Chef Wang美食作家王剛」因為蔡瀾描述的整個過程都同王剛教煮餸的影片相似，特別係王剛教煮魚的影片，當中又不斷強調「備用」兩字，又加入大量的太白粉水等。不過亦有網民猜測係加拿大電視台每日播出的煮食節目《Yan Can Cook（食得是福）》主持甄文達，不過都只係網民猜測，真正講緊係邊個蔡瀾就並無指名。
網民：真係多舊魚！
大部分網民都極為認同蔡瀾的文章「經蔡瀾先生一解釋就明白老子言「治大國如烹小鮮」之義」「整色整水」「蔡先生一針見血！」「對大陸的煮食影片不要有任何期望」「至緊要有型嘛..」「蔡生說到我心聲，啲youtube 真係多舊魚」不過都有網民唔認同「講老實 條片明顯係職業廚師做嘅，叫人備用無咩問題，豆瓣醬切完真係好爆啲嘅」「薑蔥蒜切完備用有咩問題？」
常見問題
還有什麼明星及KOL的身材很好？
最近網民發現不少明星及KOL的身材很好，如嘉盈真空激凸照、麗英泳衣照、沈殷怡浸浴戲水片、陳欣妍中門大開照、梁凱寧火辣照、Renee白滑玉背出浴照…
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
