萬千星輝頒獎典禮2023｜7大花生位！丁子朗惡搞佘詩曼 林子善喊爆

萬千星輝頒獎典禮2023｜一文看清各大有趣位！

萬千星輝頒獎典禮2023｜1. 佘詩曼、陳豪畀面拍開場片段

今年頒獎典禮開場前，有丁子朗惡搞今年播出嘅各大劇集，包括《隱形戰隊》、《一舞傾城》、《寵愛Pet Pet》等。當惡搞到《羅密歐與祝英台》時，視帝陳豪竟然驚喜登場，之後更以《破毒強人》的「文華」造型登場。佘詩曼就壓軸以「Man姐」身份登場，網民們都睇到好驚喜！

萬千星輝頒獎典禮2023｜2. 林子善獲男配喪幫TVB賣廣告

林子善在2005年轉投TVB後，時隔十八年終於憑《隱形戰隊》獲得「最佳男配角」。林子善一上台就跪謝父母，由帶佢入行的周星馳開始講起，多謝每一個在其演藝路上幫過佢嘅人，包括李力持、田啟文和黃子華等人。最後更多次呼籲客戶為TVB落廣告，講到頒獎嘉賓朱咪咪狂圈都唔走。

萬千星輝頒獎典禮2023｜3.劉佩玥化身「迎賓小姐」出鏡率奇高

今晚要數最突出的就一定係劉佩玥（阿Moon），事關今晚多位得獎者均為《隱形戰隊》的演員，包括「飛躍進步女藝員」的劉穎鏇和「最佳男配角」的林子善。每當好朋友獲獎時，阿Moon都表現得非常興奮，每次都起身上前送上祝賀，出鏡率奇高！

萬千星輝頒獎典禮2023｜4.林明禎驚喜登場叫修哥做男友

每次頒獎典禮的頒獎嘉賓們都會刻意搞笑，而搞到場面非常尷尬，不過今年「大馬女神」林明禎同胡楓（修哥）的組合就非常合拍。林明禎難得亮相TVB，修哥即刻邀請林明禎合拍TVB劇集，並邀請對方做自己孫女。不過林明禎就大賣口乖，叫修哥做男友，修哥就即刻扮聽唔到，要林明禎講多幾次，非常可愛。到馬國明上台領「馬來西亞最喜愛TVB男主角 」時，修哥又發揮鬼馬一面，攬實嗰獎唔畀馬國明，大搞氣氛！

萬千星輝頒獎典禮2023｜林敏驄大放笑彈

今年林敏驄在頒獎台上再次大放笑彈，今晚林敏驄就伙拍江美儀上台頒獎。林敏驄在台上不斷亂講嘢，又將《隱形戰隊》 講成「隱形照隊」，又提起已經離巢的Do姐鄭如玲、余詠珊等人，最後又話下年要開拍《中年邵音音》，無厘頭到超爆笑。

萬千星輝頒獎典禮2023｜6. 致敬過世藝人 李玟一出現炎明熹即哽咽

每年台慶頒獎典禮都會拍攝影片致敬該年度過世藝人和幕後工作人員，今年亦不例外。今年邊播致敬片段，邊有After Class伴唱林子祥的《抱緊眼前人》。當影片播到過世天后李玟時，與李玟交情甚深的炎明熹即刻哽咽，未能繼續唱下去，身旁的鍾柔美Yumi見狀即刻伸手攬腰以作安慰。

萬千星輝頒獎典禮2023｜7. 佘詩曼召喚「初哥哥」掀回憶殺

佘詩曼拎完「最坐女主角」之後，被主持留步要求用哨子召喚嚟緊的頒獎嘉賓，跟住佘詩曼一吹，響起《十月初五的月光》的經典歌曲，「初哥哥」張智霖出場，重現經典一幕！唔少網民都大讚安排得好有心思，掀起回億殺「真係鋪排得有心思，十月初五的月光也是澳門拍攝，頒獎典禮又澳門舉行」「音樂起果一刻 好感動 真心 我都係電視撈飯既人」「音樂－起已經紅了眼」

係回憶殺！