【萬千星輝頒獎典禮2020】視后大熱！龔嘉欣奮鬥史！14歲做Model 絕密純純兔三點式曝光
廣告
《萬千星輝頒獎典禮2020》即將舉行，入行近14年的龔嘉欣今年有《殺手》和《香港愛情故事》兩部劇集擔正，更被視為大熱門。原來當年是有線小花出身，憑住有少少似劉心悠的靚樣，曾經成為不少少男心目中的女神主持！到底佢嘅奮鬥史係點？即刻睇睇！
撰文：東方新地｜圖片：新傳媒圖片庫｜編輯：海月｜原文刊於：東方新地
【萬千星輝頒獎典禮2020】視后大熱！龔嘉欣奮鬥史！14歲做Model 絕密純純兔三點式曝光
龔嘉欣（Katy）在今次《萬千星輝頒獎典禮2020》中，同時憑劇集《殺手》入圍「最佳女主角」及以《香港愛情故事》入圍「最受歡迎電視女角色」獎，龔嘉欣初出道時只為人熟悉的是她在08年參演無綫青春劇《盛裝舞步愛作戰》做「四葉女」，但唔講唔知，原來在加入無綫之前，只有17歲的龔嘉欣便擔任過有線財經資訊台、體育台、世界盃等節目主持。
龔嘉欣放棄大學入演藝
原來早在14歲時，龔嘉欣已開始投身Model界，拍過不少廣告，到17歲讀中六時，她更放棄升讀大學的機會，改為報考演藝學院，學習演戲和唱歌，細細個已目標明確，一心勇闖娛樂圈。
視栢芝為偶像
當年在訪問中龔嘉欣直言自己在唱歌方面的偶像是容祖兒，而演戲方面的偶像是張栢芝，她笑言：「我曾經喺片場見過栢芝做戲，當日見佢未Roll機前同工作人員笑到好開心，但係一埋位佢就即刻收拾晒心情，淚如泉湧咁拍呢場戲。由嗰刻開始我就決定要以佢為目標，希望可以好似佢咁叻，以實力嚟證明畀大家睇，唔再做花樽！」
默默拍劇13年
08年19歲的龔嘉欣拍完《盛裝舞步愛作戰》後，就離開有線簽約成為無綫親生女，至今默默拍劇13年，終於升呢做女一，備受觀眾讚賞之餘，更首次問鼎視后大獎，成為今屆視后大熱門，真係恭喜晒！
