【萬千星輝頒奬典禮2020】衆人皆醉我獨醒？ 唯陳豪一人堅持帶外科口罩：情願犧牲少少個樣嚟換安全

撰文：Andy｜圖片：TVB、陳茵薇ig｜編輯：海月

【萬千星輝頒奬典禮2020】衆人皆醉我獨醒？ 唯陳豪一人堅持帶外科口罩：情願犧牲少少個樣嚟換安全

汪明荃開聲叫TVB為藝人加薪

疫情影響之下演藝界人人都過得慘淡。之前有唔少演藝界大前輩出來義演開show，幫演藝界員工解燃眉之急。而汪阿姐在致辭中提及藝人們如何在疫境工作，並公開要求TVB加人工。

而阿姐汪明荃典禮開幕致辭時，身後一衆藝人背景板中，帶住外科口罩的陳豪格外矚目。而其他藝人為露個樣出來紛紛戴上透明膠片，為曝光率個個都搵命搏。

陳豪稱安全要緊

陳豪喺接受媒體訪問時解釋點解獨獨一個戴外科口罩，佢話雖然不少藝人都擔心戴口罩會影響妝容，但佢自己更在意自身安全。並直接講：「情願犧牲少少個樣嚟換安全」，亦都擔心一旦當中有藝人中招，會連帶性爆發。同時亦呼籲大家唔好鬆懈。

陳豪仔細老婆嫩，屋企仲有3個小朋友，為咗保障妻兒健康，難免要謹慎一點。佢幾乎全程帶住口罩，僅僅喺上台頒獎時先除低口罩，以示尊重。網民有見及此，怒批TVB防疫意識薄弱，並盛讚陳豪防疫意識高。

陳豪謹慎嘅防疫態度亦都受到網民嘅認同，不少人係網上留言盛讚。