莊思明

莊思明大爆蝕咗成千萬 楊明因一個理由一直未有求婚!

流行娛樂

廣告

楊明(Mat)是非問題不斷,繼早前因不小心駕駛罪成被判監18日,准保釋上訴,之後便少有再公開露面,後來與女友莊思明開的燉湯店月蝕7位數,傳出面臨全線門市結業的問題!2人拍拖6年,唔少人都認為經歷咗高山低谷,佢哋都應該準備步入結婚階段,不過最近莊思明大爆未結婚係因為無錢?而且男方仲未求婚?

莊思明 2人早前北上,似乎想部署係內地搞生意?
2人早前北上,似乎想部署係內地搞生意?(圖片來源:ig@lisa_chng)

莊思明無咗成千萬 堅持對楊明「非君不嫁」

據其他傳媒報導,莊思明對楊明態度從一而終,就算當時楊明面臨不小心駕駛要打官事,莊思明都誓言「非君不嫁」,對男方不離不棄,外界都早已認定2人!講起與楊明的婚事,莊思明指出雙方家長都頗為傳統,要擺酒結婚高朋滿座,同埋等父母喺馬來西亞返嚟見證重要時刻之後先會成為楊太。又指搞婚事要洗好多錢,早前因為燉湯店生意蝕錢,單係灣仔分店都蝕咗3、4百萬,再加上楊明官事都花費唔少,加加埋埋無咗成千萬。雖然有傳莊思明家底豐厚,不過佢就指就算幾豐厚都會有花光的一日,令2人婚事推遲。

楊明 楊明的燉湯店,女友莊思明亦有份投資。
(圖片來源:[email protected]_chng)

楊明一直都未求婚

雖然如此,但莊思明爆出原來楊明一直未有正式求婚,令莊思明不滿佢係一個唔浪漫的男人!原來楊明覺得2人好似早已結咗婚咁,親戚好友都皆知2人為伴侶,所以等所有嘢順順利利之後先會諗結婚。

莊思明
(圖片來源:ig@lisa_chng)

重溫楊明終於捱唔住《燉》結業

香港抗疫兩年幾,飲食業多番因為疫情而大受影響,楊明的燉湯店「燉」就曾經話冇影響,上年年中仲在開設第七間分店,不過佐敦分店就結業,keep住有6間店。今次第5波疫情,禁6點後晚市堂食再加全城留家抗疫,「燉」生意一落千丈,楊明亦終於捱唔住。起先決定把5間分店停業,只剩一間做外賣生意,莊思明直認生意難撈,加上業主不肯減租共時艱,政府提供的津貼又不輪到他們這些小商戶,食店開一日蝕一日,惟有忍痛停業和解僱員工。後來都係頂唔住,元朗店改名繼續營運,其他分店門市全線停業,改為網上營運。

莊思明 楊明 楊明的燉湯店受疫情影響,生意一落千丈。
(圖片來源:[email protected]

圖片來源:ig@lisa_chng,[email protected]

YOU MAY ALSO LIKE ...