【科興疫苗】莊思敏結婚紀念日！親打科興疫苗當禮物：保護自己加保護身邊人。
廣告
【科興疫苗】政府為咗控制新冠肺炎疫情，希望市民去接種疫苗。不過由於疫苗供應問題，苗接種計劃優先接種60歲以上高危人士。40歲嘅莊思敏就唔係高危組別，不過佢台籍老公就趁兩人結婚紀念日，贈送科興疫苗俾佢！好sweet啊～
撰文：神仙B｜圖片：莊思敏 IG 截圖｜編輯：海月
莊思敏40歲結婚紀念日打科興疫苗做禮物
現年40歲的大馬拿督千金兼藝人莊思敏，最近與丈夫慶祝結婚一週年，以鮮花和疫苗作為週年紀念的禮物。莊思敏喺IG share自己接種科興疫苗嘅照片，並配上文字透露，台籍老公楊秉逸送咗玫瑰花和科興疫苗當作佢哋結婚一週年紀念嘅禮物。
莊思敏更表示大家為保護身邊人應該去接種疫苗，佢稱：「今天的禮物，鮮花加疫苗。希望大家都快啲去接種，保護自己加保護身邊人。」
有網民留言問莊思敏有沒有副作用，莊思明透露自己已打第一針，表示：「我無嘢喎。」希望大家放心。
莊思敏結婚前空窗8年 曾稱恨結婚不挑剔
2000年以model出道嘅莊思敏，曾於2006年與吳浩康拍拖。兩人感情直到2011年8月生變，最終情斷。呢5年情斷後，莊思敏可能係傷得太深，空窗足足8年時間。佢曾經接受訪問稱，自己8年來未真正戀愛過，面對戀愛對象，已經唔太過挑剔了。
唔太挑剔嘅莊思敏，於2019年9月透過社交平台宣布同台灣珍珠奶茶店東主楊秉逸拍拖。異地戀發展未夠半年男方便在布吉向女方求婚，2020年2月正式於香港簽紙結婚。
