《花姐ERROR遊》重溫九個必睇環節!193敢言背後原來最驚係「佢」?
撰文:Lmc│ 圖片:ViuTV│ 編輯:海月
《花姐ERROR遊》重溫九個必睇環節
(一)眾人到女僕Cafe 肥仔化身布歐
其中一集《花姐ERROR遊》到東京女僕Cafe,眾人也變裝到Cafe拍攝,肥仔化身布歐、193換上女僕裝、保錡扮外星人、Dee扮成熱狗,相當搞笑。去到女僕Cafe時,女僕要求ERROR一齊做可愛動作,十分頂癮。
(二)鬥食辣拉麵食到嘔
節目組安排五人食辣拉麵,該店有分5級辣拉麵,ERROR和花姐每一級都挑戰,保錡是最食不到辣的一個,但他每次都勁快食完,勁勇,眾人也十分欣賞他。最後肥仔、193和保錡更食到嘔,相當癡線。
(三)第一次炸Sound Bear
節目組為整蠱花姐,特意夾埋ERROR四子,扮拍攝「旅遊小貼士」Item,結果是引爆Sound Bear。可是,花姐沒有被嚇到,反而覺得他們十分無聊,浪費了錢去炸Sound Bear。
(四)保錡挑戰跳笨豬跳失敗 落淚爆喊
節目組安排ERROR和花姐跳笨豬跳,花姐非常霸氣一下就跳了下去,又講到:「我今日跳左落去,ERROR你地一定要紅。」而保錡就克服不到心理關口,遲遲也未跳,最後更落淚。即使如此,但保錡在其他環節也有相當出色表現。
(五)勇闖鬼屋 花姐嚇到花容失色
其中一集眾人要挑戰日本鬼屋,今次派出呀Dee與花姐一同內進,花姐全程撓實呀Dee,非常少女,可見她的確十分害怕。花姐表示自己在鏡頭面前似癲婆一樣大叫,但觀眾就覺得可以見到花姐另一面,十分難得。
(六)一眾肌肉男現身花姐眼前
節目組安排眾人到一間特色酒吧,原來該酒吧有一隊大隻佬男團註場,他們也是和ERROR一樣有著夢想。不過肌肉在前,花姐也不為所動,反而ERROR四子換上吊帶衫扮大隻佬就相當爆笑。
(七)193出茅招挑戰體能
其中一集幕後安排ERROR到忍者道場拜師學藝,之後他們到公園與大隻佬比試,結果在「空中漫步」中,身高取勝的193出茅招,因此輕易贏出比賽,而其他成員也輸給對方,但過程爆笑,贏輸已不是重點。不過最令人驚喜是,導演Mike居然一Take成功,比ERROR體能還要好。