多謝曾志偉邀姜濤、花姐力撐193：「有啲嘢得佢夠膽講」
廣告
自從曾志偉立誓復興TVB之後，佢不斷從Viu TV身上搵熱度，近日更通過同Viu TV口水戰攞到媒體眼球。早前花姐接受訪問就回應193及曾志偉嘅「空中戰」，直言：「我呢啲大人有包袱唔夠膽講出嚟，佢（193）夠膽講。」即刻睇睇詳情！
撰文：Andy｜圖片：193 IG、《花姐Error遊》 截圖｜編輯：海月
花姐力撐193 直言：「有啲嘢得佢夠膽講」
曾志偉回歸TVB之後動作多多，清理完派系之後就開始同ViuTV「空中戰」博得媒體眼球。先喺訪問中透露自己曾邀姜濤上TVB，不過被人地拒絕。其後曾志偉又笑Viu TV收視得4點，點知俾193@error反擊寸爆翻佢。
花姐就回應曾志偉邀請姜濤被拒一事，佢指自己係透過仔仔才知呢件事。花姐作為其經紀人，並冇收到TVB或者曾志偉嘅電話。佢直言唔知對方係點樣發出工作邀約。不過，花姐都大方咁表示：
「我又唔知老爺（曾志偉）當時點邀請姜濤。無論如何，我都好多謝志偉欣賞姜濤同畀機會佢，第日有冇機會合作就再算。」
至於193@ERROR寸爆曾志偉一事，花姐力撐193，直言：
「佢講嘅內容唔係冇道理，有啲我係認同。我呢啲大人有包袱唔夠膽講出嚟，佢夠膽講。但我都會同佢講，做公眾人物要互相尊重。」
雖則如此，花姐都為佢惹火嘅言論降溫，幫口話：「193嘅言論係見慣不怪，佢會當眾話『花姐你好肥』。大人係唔會怪佢，佢係一個直腸直肚嘅人。」
曾志偉啜爆性感女模影片詳情是?
近日曾志偉與一名性感女模慶生的視頻流出，從片中可見曾志偉在飯局中為壽星女熱唱生日歌之後，特意走向女模身旁一同吹蠟燭，隨後更上前啜爆該名女模，女模的身份背景亦立即被網民起底⋯⋯詳情請看
《獎門人》 停播了何時才會復播？
《開心無敵獎門人》早前播出最後一集就宣布暫別幕前，令不少觀眾都大為不捨，身兼總經理要職的曾志偉透露只要「將下半年節目安排好」或者睇下有機會下半年復播⋯⋯詳情請看
