為蔡思貝斷纜親密九年情 胡鴻鈞心甘命抵疏遠許廷鏗
撰文、圖片：東方新地 ｜編輯：K.P（原文刊於：東方新地）
蔡思貝負面新聞未停過
29歲的蔡思貝（Sisley）曾被封「無綫發電機」、「姣思貝」，每次拍劇幾乎都跟男拍檔傳出緋聞，更甚是被指專吼人夫及人家男友，王浩信、羅仲謙、洪永城及張振朗都榜上有名，蔡思貝負面新聞未停過，收兵易過借火，16年 被指與周志文公屋偷歡18小時，導致與排舞師麥秋成分手。不過蔡思貝很快就有新目標，拍攝節目《降魔的捉妖遊戲》後開始與胡鴻鈞熟絡，當時胡鴻鈞身邊仍有密友許廷鏗，蔡思貝一直等時機出現，有指去年5月胡鴻鈞拍劇
出意外，加上被指工作態度囂張，被公司雪藏投閒置散，而蔡思貝一直在他身邊支持和鼓勵，令戀情萌芽。
許廷鏗直指胡鴻鈞失聯
同是超級巨聲出身的胡鴻鈞與許廷鏗，睇住大家出道及成長，經歷很多，他們與欣宜、林欣彤及鄧小巧經常見面，大時大節亦一齊過，不過自從胡鴻鈞與蔡思貝交往後，胡鴻鈞完全變了另一個人，據知情者透露：「Hubert（胡鴻鈞）以前好重友情，尤其同Alfred（許廷鏗）感情最深厚，凡係對方嘅事都好上心，去邊度都會一齊，自從蔡思貝出現之後就唔同晒，Hubert冇再出現佢哋嘅聚會，最初大家都以為Hubert真係忙工作，但原來佢係掛住拍拖，掛住接送蔡思貝而唔得閒，有乜辦法對佢唔心淡？為咗個姣花，Hubert對班多年老友咁絕，話唔見就唔見。蔡思貝收兵咁多年，點樣令個男人貼貼服服佢最叻，為咗令Hubert對佢一條心，佢就扮晒為佢好，勸Hubert疏遠Alfred一段時間，咁嗰啲HeHe新聞就唔會再影響佢形象，畀蔡思貝電到成個人冇晒主張嘅Hubert，真係聽晒蔡思貝話唔接其他人電話又唔覆短訊，最後仲同班好友反晒面，合晒蔡思貝河車。」
多年密友為女斷情，今年4月許廷鏗現身電台為新歌宣傳時，承認跟胡鴻鈞已經絕少聯絡，連對方快有新劇推出也不知情，可見親密關係已不再。提到胡鴻鈞每年例必與他慶祝生日，許廷鏗表示仍未有對方的消息，他更抵死自嘲是讀者，也期望胡鴻鈞能給他一個說法，不要令他蒙在鼓裡，他說自己有搵胡鴻鈞，但對方完全冇覆，已不記得上次聯絡是何時，希望對方能覆短訊，失聯會令人擔心，而且亦表明不認識與胡鴻鈞傳緋聞的蔡思貝！
以前friend過打band的日子，三日唔埋就在社交網見到胡鴻鈞與許廷鏗的甜蜜合照，此情此景已近一年冇見過，對於被指與許廷鏗擘面沒有聯絡，胡鴻鈞早前答得尷尬：「過咗去嘅嘢唔好提，我哋向前望，我有聽佢新歌，我依家都忙預備新歌，我請好多人食檸檬㗎，又畀好多人請食檸檬。（你同許廷鏗好耐冇見？）我同好多朋友都好耐冇見。」
胡鴻鈞三十而立想成家
為了一個蔡思貝犧牲同行九年的密友與一班好友，可見今年30歲的胡鴻鈞今次玩認真，早前他接受訪問時表示，愛情可以為他帶來創作靈感，更可以令他變成有擔帶的男人，他還說可能到40歲時，很幸運地有了家庭，到時會比較想追求安穩一點的生活，陪老婆和仔女。胡鴻鈞想成家立室，不如問吓蔡思貝玩夠未先啦！
