胡定欣IG留29字澄清無向周嘉洛黑面 網友繼續捉住唔放！
廣告
剛於週日舉行的TVB《萬千星輝頒獎典禮2022》，周嘉洛憑《痞子殿下》紀威一角奪得《最受歡迎電視男角色》。不過頒獎禮上另一亮點，就是當周嘉洛上台發表感言時，坐在台下的胡定欣被影到無拍手兼黑面，雖然事後胡定欣有在Instagram寫下29字澄清並tag周嘉洛，但依舊成為網友熱門話題！
胡定欣IG主動tag周嘉洛回應黑面事件
頒獎禮過後胡定欣在Instagram分享一張與陳山聰、袁偉豪、李施嬅及姚子羚的合照，剛巧周嘉洛都有在合照下留言，想不到胡定欣竟然tag對方主動回應「黑面」事件，「周嘉洛，你係度啱啦! 我真係無黑你面!~我真心聽緊你講得獎感受! 恭喜您!」而周嘉洛其後都有回覆並感激對方，「多謝你定欣! 我會更努力! 同埋放心! 你總是那麼友善! 就算人地講我都唔信亦唔覺你有黑面。」
網友繼續捉住唔放！有人大讚夠真性情
事件看好似告一段落，但仍然有網友捉住胡定欣唔放，紛紛猜測胡定欣黑面兼無拍手，是因為好友陳山聰有份角逐同一獎項，但最後結果竟然並非好友奪得所以才會用行動抗議，舉動獲不少網友大讚夠真性情！亦有網友特別她在頒獎禮為其他藝員送上祝福，認為只是一時之間未能做好表情管理而已。
視后變陪跑份子
胡定欣在今次頒獎禮上成績可以說是未如理想，除了奪得「最佳衣着奬」外，另一獎項「馬來西亞最喜愛TVB女主角」獎項都擦身而過，有網友認為視后變陪跑份子，難免會有些少「黑面」。
陳自瑤目無表情最經典
其實過往頒獎禮上不時有藝員疑似有「黑面」情況發生，例如前年萬千星輝頒獎典禮上王浩信獲封視帝，當時鏡頭馬上影住太太陳自瑤Yoyo，但當時二人屢次傳出婚變，Yoyo在鏡頭前未有露出開心表情之餘更是目無表情兼些少「黑面」。事後她表示當時的表情只是比較淡然，同時亦覺得一個表情成為一個話題。
圖片來源：TVB youtube 片段、IG@nwuuu
