肥蛙真人丨網民撞見Youtuber肥蛙真人 力數5宗罪：又矮皮膚差仲要性格唔好？
廣告
肥蛙真人丨由肥仔、福正、阿奇組成的「光頭幫TomFatKi」簡稱「TFK」為香港獨立組合，憑《天水圍 Gang Gang》一曲為人所熟悉。近月TFK少咗更新，令粉絲猜疑出現不和問題，去到9月4日TFK的Lai Tai肥仔突然宣布退出，大爆TFK搞成咁最大原因竟涉及福正女友Youtuber肥蛙，仲力數肥蛙似足恐怖女友3宗罪！原來之前已經有網民喺討論區大爆撞過蛙姐蛙妹，大爆佢哋唔單止皮膚好差，仲為咗影相打卡，完全阻住其他人，批評佢哋好「厚面皮」。而帖文引起好多網友回應，批評蛙姐蛙妹嘅5宗罪！
1. 肥蛙曾涉嫌抄襲
肥蛙（Mandies Kwok）是一位90後Youtuber，亦是一位本地插畫師。雖然外形不算驚豔，屬於鄰家女孩感覺。但肥娃人氣不容小覷，在Youtube上的訂閱數量達330K，IG上亦擁有26.1萬followers，經常會同妹妹Candies姊妹檔合作。當時肥蛙嘅原創公仔「肥蛙」被指抄襲chocolate rain，不過肥蛙就冇承認，靠住個樣繼續活躍係KOL界！
2. 去貓Cafe打卡阻住其他食客
有網民喺Dcard討論區度表示，喺貓貓cafe見到蛙姐蛙妹，其中場內有客人開左罐頭引晒啲貓去，蛙姐蛙妹就直接走去嗰枱客人度影相，「完全當果張枱嘅人無到咁」，阻住咗本身坐緊嘅嗰枱客人影相。批評蛙姐蛙妹勁厚面皮。好多網友就回應話佢哋好多黑料。
3. 靠P圖扮皮膚好
樓主又話，之前蛙姐拍廣告片，分享自己素顏情況，點知真人皮膚同片差勁遠，Instagram啲相又成日P都好勁。
4. 又矮又路人樣
有網友就留言話睇過有個訪問影到佢塊面勁大「包包面 塊面又勁多粒粒 可能佢地相機有美顏 或者化厚妝 如果素顏 個樣一定仲恐怖」，另外亦有人話喺迪士尼見過佢哋兩姊妹，表示「唔係攞住相機都認唔到佢地兩個，哈比人咁都幾矮同路人樣」批評「唔明點解連登咁多人吹捧佢地性格好同靚」。
5. 啲片一式一樣唔好睇
亦有網友話覺得蛙姐蛙妹嘅片好無聊，一式一樣，條條都差唔多咁「做creator 一點都唔 creative」，覺得佢哋兩個好假。
圖片來源：ig＠53yfp, Dcard
