吳浩康同情張致恆反被女方嬲嬲反擊+網民：有呢啲老婆真係幾生修到

吳浩康勸雯雯唔好搞張致恆

Deep早前在周國豐、伍仲衡主持的YouTube節目《週五有周伍》做嘉賓，在節目中亦有提起有家室的「離婚界KOL」張致恆。伍仲衡指：「張致恆幫你唔少喎」，Deep回應：「我喺IG出第三條片嗰陣，有個工友同我講，你再出呢啲片，你個friend死喇喎！其實呢我哋仲有聯絡，衰仔。」而且表示「我自己站於朋友嘅立場，總之我價值裡面，呢個人未係我要放手、割席嘅人。」

在節目中他向Steven太太區燕雯（雯雯）建議不要公開搞丈夫。：「佢老婆唔好搞佢得唔得呀？唔好公開搞，匿埋搞，畀啲空間佢搵吓食！」Deep再指自己都試過有好谷底時候，但靠自身努力克服困難，做正行正業，盡力維持好屋企。

雯雯嬲嬲反擊：問心無愧

對於Deep的忠告不少網民都大讚Deep說話算有口德，顯示了他對朋友的深切關懷和對現實的理解，而且Steven的確無公開唱過雯雯不是，反被自己老婆日日IG唱是廢J。而雯雯似乎唔多滿意，昨（21日）在社交平台上發表了自己的看法，強調她對自己的行為沒有愧疚，：

「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯。」。