TVB聯乘大家樂推「YES卡」 炎明熹,姚焯菲雙雙出事

流行娛樂

廣告

TVB近日為宣傳《聲夢傳奇2》,找來本地快餐店大家樂合作,推出「YES卡」系列,當中一代學員的造型照加上閃閃發光的背景,夠晒味道。不過幾位學院的追型照似係出晒事,炎明熹慘變野口同學,姚焯菲就變埋馬蹄露?

TVB聯乘大家樂推「YES卡」 炎明熹,姚焯菲雙雙出事

聲夢傳奇2 炎明熹 「大家樂 x青春本我」閃卡一出引來網叱熱議。
「大家樂 x青春本我」閃卡一出引來網民熱議。(圖片來源:大家樂)

「大家樂 x 青春本我」閃卡造型出事

TVB與大家樂近來合作緊密,將於下星期推出「大家樂 x 青春本我」閃卡,登場人物有:Gigi炎明熹、Chantel、Yumi、Archie、Aska、Kaitlyn,更推出「聲夢閃咭套餐」谷人氣。閃卡造型曝光後引來網民熱議,有網民表示Gigi由《魷魚遊戲》中的「木頭人」變成《櫻桃小丸子》中的野口同學,有網民指Archie與側田撞樣,Aska被指酪似長鼻猴,Kaitlyn髮型出事似「超人之母」。

聲夢傳奇2 大家樂 炎明熹 網民爭相討論閃卡造型。
網民爭相討論閃卡造型。(圖片來源:Facebook截圖)

睇埋其他閃卡

《聲夢2》記者會曾志偉自豪宣布:大家樂照顧晒你哋!

《聲夢傳奇2》早前舉行記者會,曾志偉興奮宣布節目將與大家樂合作,他稱對方為「最強合作夥伴」,又說:「電視界嚟講,今次係一個破天荒合作,為咗俾觀眾知道更多訊息,大家每一個分店都會見到《聲夢》的賽事成續,各式宣傳都會見到。」他又說:「有參賽擔心冇時間食嘢,今次大家樂照顧晒你哋,送到上門畀你哋食!」

聲夢傳奇2 炎明熹 曾志偉對於和大家樂合作表示興奮。
曾志偉對於和大家樂合作表示興奮。(圖片來源:《聲夢傳奇2》記者會截圖)

網民:比KFC x COLLAR更災難級

「大家樂x青春本我」閃卡造型出事之餘,有網民形容是次宣傳是災難級:「笑咗,以為KFC將COLLAR摧毁已經係災難級,點知一山還有一山高」、「唔係人嘅問題,係市場包裝部嘅人靠害」、「高質還原90年代初Yes!卡嘅風格」、「講還講唔好貼相」、「X你個街,亞視嚟嘅?」

撰文:東方新地圖片來源:大家樂、網頁截圖、《聲夢傳奇2》記者會截圖