聲夢閃卡｜大家樂推出成個月都送唔晒 疑似滯銷 要默默清貨

一齊回顧「大家樂 x 青春本我」閃卡造型

閃卡設計引起熱討 Gigi撞樣野口同學！

啱啱推出「大家樂 x 青春本我」閃卡，曾引來一眾網民熱議。更有網民表示Gigi由《魷魚遊戲》中的「木頭人」變成《櫻桃小丸子》中的野口同學，有網民指Archie與側田撞樣，Aska被指酪似長鼻猴，Kaitlyn髮型出事似「超人之母」。

大家樂繼續加推閃卡係太受歡迎定係送唔出？！

大家樂係6月1日宣布加推「大家樂 x 青春本我」閃卡兩星期（至6月13日），繼續sell卡。只要買任何招牌焗或一哥燒味系列，加配至Cool冰冰就可隨機贈送聲夢閃卡一張。甚至，憑300樂賞分都可得到閃卡。唔知真係咁受歡迎，定係因為滯銷急住放卡啦。

大家樂同聲夢合作原來係千載難逢機會？

《聲夢傳奇2》早前舉行記者會，曾志偉興奮宣布節目將與大家樂合作，他稱對方為「最強合作夥伴」，又說：「電視界嚟講，今次係一個破天荒合作，為咗俾觀眾知道更多訊息，大家每一個分店都會見到《聲夢》的賽事成續，各式宣傳都會見到。」他又說：「有參賽擔心冇時間食嘢，今次大家樂照顧晒你哋，送到上門畀你哋食！」。《聲夢傳奇2》同大家樂合作後，確實增加唔少爆光率，亦引起大家熱議。

網民形容今次宣傳係災難級

唔少網民都話「大家樂x青春本我」閃卡造型出曬事：「其實點解做任何野都可以咁老土？」、「攪蓮姐形象同設計果個真係唔該返去讀過設計」、「雙馬尾係想點X樣」、「衰X過yes卡」。而今次市場推廣，網民形容是災難級：「笑咗，以為KFC將COLLAR摧毁已經係災難級，點知一山還有一山高」、「成個marketing出x晒事」。甚至好多網民表示：「送俾我都唔XX要啦」、「講還講唔好貼相」、「X你個街，亞視嚟嘅？」。

由此可見，今次「大家樂 x 青春本我」閃卡系列有唔少網民都覺得造型、市場推廣有待改善。