【考有Feel】姜濤全無偶像包伏！反差萌迷倒觀眾！重溫4個姜濤令人心心眼時刻

撰文：Lmc│ 圖片：ViuTV│ 編輯：海月

重溫4個姜濤令人心心眼時刻

1. 姜濤神之試食

姜濤在其中一集的《考有Feel》中玩《瘋味雪條》，姜濤在其他人仍在試味之際已撳鐘，並勁快估中答案是午餐肉，引起MIRROR成員陣陣歡呼，成功得分的姜濤亦非常得戚，又笑言：「以前肥仔嗰陣食太多！」

2. 姜濤壞壞望女主持個胸

姜濤自爆未拍過拖，又指自己是處男。有次他玩遊戲要做口部動作令隊友估答案，當時姜濤要做出「食奶咀」的動作，有人叫他扮用家，他立即望向女主持「考靚」的胸部，令到全場爆笑。而姜濤扮食人奶的樣子也十分可愛呢。

3. 為搶大象 姜濤野獸上身 好勝心爆發

姜濤雖然平時不多說話，但玩起遊戲一樣非常好勝，為了與Dee比賽鬥拎得多大象，姜濤非常落力比賽，更用口咬大象，完全不理形象，最後更問大家：「我有冇贏到？」好勝心大爆發。

4. 姜濤戴上鴨嘴玩具 小儀都大讚：好得意

在遊戲《唔啱嘴型》中，姜濤要戴上鴨嘴玩具講說話令隊友估中，戴上鴨嘴玩具的姜濤十分可愛，與平時MV中見到型格的他相差十分大，一眾網友大讚可愛，連主考官小儀也有同感。眾人一邊狂讚姜濤得意，但他就一面無奈，ERROR的肥仔更笑說「戴著鴨嘴說愛你」，有人更叫他唱一句來聽，姜濤又真的鴨嘴唱，相當爆笑。