美麗戰場︳陳瀅被內地網民評為「最醜阿寶」演技令人發惡夢
廣告
由葉念琛編劇、導演及監製的TVB台慶劇《美麗戰場》播出至今一星期，劇情備受爭議，就連內地網民都追住睇。而其中女主角陳瀅喺小紅書中就飽受評論，大批佢係葉念琛中「最醜阿寶」及其演技令人發惡夢！
陳瀅演技被批唔掂 全劇得一個樣
今個星期的劇情講述陳瀅飾演的女主角「鍾家寶」於20多年前身世坎坷的慘痛經歷，雖然未正式「黑化」，但卻已經「辣㷫」不少觀眾，本地網民直指「陳瀅啲戲好唔掂」、「陳瀅扮後生把聲好辛苦」、「個角色啲情緒係想點嫁？？」更不留情面話：「高八度顯得弱智會後生啲」。但原來唔止本地網民一面倒喪鬧，更連內地網民都唔畀面，更表示「瞪眼瞪到我睡覺都做噩夢，好得人驚！」
32歲陳瀅成為最醜「阿寶」
《美麗戰場》由導演葉念琛執導，例必有「阿寶」做女主角。而《美麗戰場》開鏡當日，葉念琛、曾志偉與一眾演員見傳媒時，葉導當時已親自欽點要32歲陳瀅擔正做「阿寶」。陳瀅透露自己要演20個阿寶，由16歲演到36歲，難度在於捉摸說話的態度，而且葉導叫佢要減肥，可能劇中會有泳裝鏡頭晒身材。不過有網民就覺得，陳瀅唔襯阿寶，留言說：「佢好師奶喎，要減減啦！」、「點解要揀佢做女主角呀？肉騰騰」、「以前靚啲，依家走晒樣」等等。而內地網民更指陳瀅係「最醜阿寶」!
原來係當日就決定！
《美麗戰場》五位女主角各代表什麼？
首條預告片中，五大女主角悉數華麗登場，除了打扮性感高貴亮麗，每人均有屬於自己的「象徵花朵」，分別是瑰麗倔強的「黑玫瑰」陳瀅、剛直硬朗的「仙人掌」劉佩玥、 純真柔弱的「太陽花」陳曉華、凶狠魅惑的「捕蠅草」蔣家旻，及妖嬈嬌艷的「彼岸花」朱晨麗。
《美麗戰場》朱晨麗與方力申偷情？
最新預告片中，不但鏡頭穿插了陳瀅充滿心事和心計，仲有方力申與朱晨麗的熱烈擁吻戲⋯⋯詳見：方力申激吻朱晨麗、好勝陳瀅大露背搶Fo
