網民斥大台劇唔識睇時勢 影射MIRROR演唱會意外?!
廣告
無綫劇《痞子殿下》昨晚一集(10日)其中一幕有巨物突然從上空墮下壓住人,網民即想起近來MIRROR演唱會意外,並在討論區開帖鬧爆大台「x街抽阿Mo水」火速成上熱搜,紛紛斥責「大台呢個時勢仲抽水」。
痞子殿下|巨物高處墮下壓住人
有網民把無綫劇《痞子殿下》重物壓人的畫面放上討論區,以「x街TVB抽X阿Mo水」為題,更指「好串,責任全在吊㡳也嗰條友」,引起網民激烈討論「水唔係咁抽㗎,人哋咁慘仲要咁樣笑人﹗」
網民斥:水唔係咁抽㗎﹗
網民指這個畫面令人立即想起MIRROR演唱會意外,舞蹈員阿Mo被巨型熒幕壓傷,現還在深切治療部﹗而當晚的表演者MIRROR十二子至今工作暫停,不但推了日本騷,姜濤和Jer缺席首映,Anson Lo和欣宜的拉闊騷要延期﹗網民指責打對台的無綫用這宗意外「抽水」,覺得好過份﹗據知《痞子殿下》去年煞科,這個畫面也是去年已拍攝,根據張頴康的社交平台,去年7月曾分享有關場景﹗有網民亦為無綫澄清,指劇集去年拍畢,跟上月MIRROR演唱會意外純粹意外,毫無關連,只是大家太敏感,指無綫若抽水,「要坐時光機先抽到呢個水喎﹗」
雖然有網民澄清真相,但有網民指「就算係之前拍落,依家敏感時候,就應該抽起」、「拍咗都可以抽起,睇到令人手都震」、「學外國咁抽起畫面只要聲都得㗎﹗」。亦有網民指見到周嘉洛以為《愛回家》,留言「大佬見到周嘉洛以為愛回家又抽水吖嘛,佢哋成日抽ViuTV水」、「以為愛回家又緊貼時事﹗」、等等。
網民怒轟:就算之前拍咗都應該剪啦,特登呢段時間照出﹗
圖片來源:LIHKG討論區截圖、IG@brianchu0523