「細龜」黃一山爆星爺、李修賢反面原因 網民反感:又消費星爺

流行娛樂

廣告

「細龜」黃一山近年都在內地發展,更不時在社交網拍片回想當年兼講講當年不為人知的小事。日前他又再爆星爺舊事,講出當年星爺與李修賢反面原因,不過似乎弄巧反拙,惹來網民反感,覺得他只靠消費星爺賺人氣,是非當人情!

撰文:東方新地 | 圖片:黃一山微博 |編輯:Bonita 原文刊於:東方新地

細龜細說星爺發跡史

細龜黃一山日前在社交網又拍片講是非,他指星爺今時今日在影壇已達神級地位,但想當年在電視台亦曾鬱鬱不得志,直至遇上伯樂李修賢簽下十部片約,首齣合作的電影《霹靂先鋒》更令星爺一舉成名獲得第25屆台灣金馬獎最佳男配角,從此扭轉星爺的命運。

細龜大講李修賢為人。(圖片來源:黃一山微博)
細龜大講李修賢為人。(圖片來源:黃一山微博)
細龜大爆當年星爺與李修賢簽了十部戲。(圖片來源:黃一山微博)
細龜大爆當年星爺與李修賢簽了十部戲。(圖片來源:黃一山微博)

李修賢簽星爺拍十部戲

細龜提到星爺有今日全靠伯樂李修賢:「1988年有部電影叫《捕風漢子》,男主角係萬梓良,女主角就係李美鳳,星爺喺入面飾演一個角色,但好遺憾部戲唔係好賣座,星爺嘅第一部電影唔賣座,當然會意志消沉,但就喺呢個時候遇到佢嘅伯樂,就係修哥李修賢,佢認得星爺做兒童節目係另類(風格),不如搵佢就簽10部戲,第一部就做《霹靂先鋒》。」

李修賢與星爺合演《霹靂先鋒》。(圖片來源:《霹靂先鋒》劇照)
李修賢與星爺合演《霹靂先鋒》。(圖片來源:《霹靂先鋒》劇照)
李修賢說得上是星爺的伯樂。(圖片來源:黃一山微博)
李修賢說得上是星爺的伯樂。(圖片來源:黃一山微博)

《賭聖》創下電影票房紀錄

有指當年星爺片酬不高,但《霹靂先鋒》的戲分不少故決意簽約,星運亦開始大開:「直到1990年嘅《賭聖》,創下電影票房紀錄,從此奠定星爺地位。但星爺簽咗修哥10部片約,又點解可以拍到《賭聖》?話說係外借星爺畀劉鎮偉去拍,見電影咁賣座,修哥自己都開戲畀星爺,拍咗《龍的傳人》同《情聖》,但兩部戲都唔賣座,修哥覺得點解人哋拍就賣座,佢拍就冇咁賣座呢?就喺呢個時候,永盛老闆向華勝同向華強想搵星爺拍戲,修哥決定賣晒星爺啲片約畀永盛,賺番中間價,呢個中間價都幾多……星爺就係咁拍咗一系列《逃學威龍》、《唐伯虎點秋香》、《九品芝麻官》呢啲經典電影。」

星爺於90年拍的《賭聖》,令他大紅大紫。(圖片來源:《賭聖》劇照)
星爺於90年拍的《賭聖》,令他大紅大紫。(圖片來源:《賭聖》劇照)
細龜與星爺合作拍的《逃學威龍》。(圖片來源:《逃學威龍》劇照)
細龜與星爺合作拍的《逃學威龍》。(圖片來源:《逃學威龍》劇照)

李修賢片場落星爺面

除了賣片約令二人有介蒂,曾有傳李修賢當年曾經在片場,因為周星馳的演技太誇張,過了火位,直罵他不懂演戲:「做咩要似隻狗咁賣力?」,有指星爺對此對白耿耿於懷,隨後在《西遊記之仙履奇緣》,親自演繹出來。

黃一山指出當年李修賢把星爺的片約賣給永盛老闆向氏兄弟,從中撈了一大筆!(圖片來源:黃一山微博)
黃一山指出當年李修賢把星爺的片約賣給永盛老闆向氏兄弟,從中撈了一大筆!(圖片來源:黃一山微博)
細龜指外界講到星爺與李修賢勢成水火。(圖片來源:黃一山微博)
細龜指外界講到星爺與李修賢勢成水火。(圖片來源:黃一山微博)

細龜指二人互惠互利

細龜坦言二人都是互惠關係,關係未必如外界所講去到冰點:「當然有人會話星爺係一個最後會發光嘅石頭,就算1992年、1993年拍唔到《逃學威龍》等電影,到最後都會發光發熱。但1995年開始因為盜版關係,香港電影進入低谷,當時拍咩都會畀盜版搞到票房好差,若果星爺錯過咗1991年至1995年嘅黃金時間,成就肯定受到限制。星爺係幫咗李修賢賺咗好多錢,李修賢亦奠定咗佢嘅地位,好多人話佢哋唔啱,勢成水火,呢啲係外人睇法,我嘅聽聞係星爺一直都好感恩修哥,而修哥亦一直好讚賞星爺,話佢嘅演技係另類、別創一格,前無古人亦後無來者……」

細龜扮客觀分析整件事的來龍去脈。(圖片來源:黃一山微博)
細龜扮客觀分析整件事的來龍去脈。(圖片來源:黃一山微博)
細龜近年在內地發展,曾遇當年的星爺班底,羅家英與黃一飛!(圖片來源:黃一山微博)
細龜近年在內地發展,曾遇當年的星爺班底,羅家英與黃一飛!(圖片來源:黃一山微博)

網民問細龜:消費完星爺未?

細龜又要講又要戴頭盔,當年他在香港電影圈算是活躍份子,知內情亦唔出奇,不過網民就不屑其抽水所為,留言插爆細龜!

細龜黃一山又抽水 爆當年星爺與李修賢反面真因
(圖片來源:Facebook截圖)
細龜黃一山又抽水 爆當年星爺與李修賢反面真因
(圖片來源:Facebook截圖)
細龜黃一山又抽水 爆當年星爺與李修賢反面真因
(圖片來源:Facebook截圖)