細細粒Vivian長拍吃播片討觀眾歡心 搞到落車俾車門夾住 網民反應出乎意料！
廣告
前TVB藝人陳嘉佳（細細粒Vivian）近年主攻內地，經常直播大飲大食，討得唔少內地網民歡心，人氣急升。不過經常長拍吃播片的細細粒完全無理自己體重同健康問題咁，體形愈來愈大，最新影片甚至落車時俾車門卡住！不過影片反而唔少網民留言指佢瘦咗好多？！
拍抖音攞埋獎 瘋狂吃播愈來愈肥
陳嘉佳（細細粒）跟王祖藍轉戰內地後人氣急升，經常拍抖音直播大飲大食，成為美食帶貨達人！抖音已經累積842.9k粉絲，仲係年頭拎咗個「生鮮行業top達人獎」相當厲害！不過咁樣大飲大食法，細細粒今鋪真係要變大粒粒？細細粒因瘋狂出吃播暴飲暴食，而且食物份量都非常驚人，網民都指佢嘅食量係「一家人的份量」，開始都為細細粒的身體狀況感到擔憂提醒「要注意健康！」「成日咁食遲早身體出事」「欣宜都已經去咗減肥」
肥到卡車門 網民反指瘦咗？！
近日細細粒抖音再出吃播片，片頭一開始已經因為身形問題而被車門卡住咗，非常困難先出到車門！不過留言的網民竟然都指佢瘦咗好多？！原來細細粒之前曾為帶貨減肥，雖然事後仍繼續拍片吃播，不過網民就指已經比之前看上去清瘦不少！
圖片來源：ig＠siupochankakai, 抖音＠陳嘉佳
